Як ШІ ўплывае на прадукцыйнасць і працоўныя месцы ў Еўропе

У кароткатэрміновай перспектыве ШІ не прыводзіць да скарачэння працоўных месцаў. На першы погляд здаецца, што кампаніі з ШІ наймаюць больш людзей, але калі прыбраць эфект адбору (гэта значыць той факт, што такія кампаніі спачатку мацнейшыя і актыўнейшыя), сувязь знікае. Гэта ўказвае на іншы механізм: ШІ ўзмацняе працу супрацоўнікаў, дапамагае ім хутчэй выконваць задачы і прымаць рашэнні, але не замяняе іх. Больш таго, у такіх кампаніях у сярэднім растуць заробкі — і ў цэлым, і на аднаго працаўніка.

Аднак выгады размяркоўваюцца вельмі нераўнамерна. Больш за ўсё выйграюць сярэднія і буйныя кампаніі. Сярод буйных кампаній (больш за 250 супрацоўнікаў) ШІ выкарыстоўваюць каля 45%, сярод невялікіх (10-49 супрацоўнікаў) — толькі 24%. Буст прадукцыйнасці ў буйных гульцоў прыкметна вышэйшы. Гэта тлумачыцца тым, што ў іх ёсць рэсурсы, дадзеныя, спецыялісты і магчымасць перабудоўваць працэсы. У малога бізнесу такіх магчымасцяў часта няма, што ўзмацняе разрыў унутры эканомікі.

Розніца прыкметная і паміж краінамі. У фінансава развітых эканоміках ЕС — напрыклад, у Швецыі і Нідэрландах — каля 36% кампаній ужо выкарыстоўваюць аналітыку вялікіх дадзеных і ШІ. У менш развітых краінах, такіх як Румынія і Балгарыя, — каля 28%. У выніку Еўропа апынаецца ў дзіўнай сітуацыі: па распрацоўцы тэхналогій яна адстае ад ЗША і Кітая, але па фактычным укараненні ў сярэднім ідзе прыкладна на адным узроўні з ЗША — проста ўнутры самога ЕС разрыў вельмі вялікі.

Адзначаецца, што сам па сабе ШІ амаль нічога не дае. Каб атрымаць эфект, кампаніям трэба ўкладвацца ў спадарожныя рэчы: дадзеныя, софт, навучанне супрацоўнікаў і перабудову працэсаў. І менавіта тут розніца становіцца максімальнай. Дадатковы 1 п. п. інвестыцый у софт і дадзеныя павялічвае эфект ад ШІ яшчэ на 2,4 п. п. А інвестыцыі ў навучанне даюць яшчэ больш моцны мультыплікатар: +5,9 п. п. да эфекту. Гэта значыць асноўная каштоўнасць — не ў самой тэхналогіі, а ў тым, наколькі глыбока кампанія можа яе ўбудаваць у працу.

Для палітыкі гэта азначае некалькі рэчаў. Па-першае, без падтрымкі малых кампаній разрыў будзе толькі расці: менавіта буйны бізнес цяпер атрымлівае асноўную выгаду ад ШІ. Па-другое, недастаткова проста субсідаваць тэхналогіі — патрэбныя інвестыцыі ў навыкі, навучанне і змену працэсаў. Гаворка ідзе пра так званыя «гібрыдныя навыкі» — уменне працаваць з ШІ, кіраваць дадзенымі і прымаць рашэнні разам з алгарытмамі.

І нарэшце, адсутнасць скарачэнняў зараз не азначае, што іх не будзе потым. Пакуль ШІ хутчэй дапаўняе працаўнікоў, але па меры развіцця тэхналогій і назапашвання досведу ў кампаній сітуацыя можа змяніцца. Акрамя таго, заробкі могуць расці ў першую чаргу ў больш кваліфікаваных супрацоўнікаў, што ўзмоцніць няроўнасць.

Тысячы СEO прызналіся, што ШІ не дае таго, чаго яны чакалі

Па тэме

Тысячы СEO прызналіся, што ШІ не дае таго, чаго яны чакалі

ШІ усё больш моцна цісне на індустрыю рэкрутынгу: кампаніі пачынаюць наймаць самастойна і менш патрабуюць паслуг знешніх агенцтваў

Па тэме

ШІ усё больш моцна цісне на індустрыю рэкрутынгу: кампаніі пачынаюць наймаць самастойна і менш патрабуюць паслуг знешніх агенцтваў