Як не дэградаваць з-за ШІ — парады былога топ-менеджара IBM

Рашыдзі, якая за 15 гадоў удзельнічала больш чым у 200 укараненнях ШІ і займала кіруючыя ролі ў IBM, AWS, Sony Music і Estée Lauder, кажа, што ключавая пагроза — «інтэлектуальная атрафія»: калі чалавек губляе навык крытычнага мыслення, таму што «аўтсорсіць» яго тэхналогіям. Па яе словах, важна «перадаваць ШІ задачы, а не ўласнае мысленне».

У штодзённай працы Рашыдзі выкарыстоўвае «шэсць–восем ШІ-інструментаў у дзень», але пастаянна правярае матывацыю: «Я выкарыстоўваю гэта, каб паскорыць працу, якую павінна зрабіць, ці каб зрабіць працу за мяне?» Яна падкрэслівае, што ШІ павінен «паскараць», а не падмяняць экспертызу: «Гэта робіць мяне хутчэй, але ці робіць мяне больш здольнай? Гэта робіць мяне прыдуктыўнейшай, але ці робіць больш каштоўнай?»

Асобны прынцып — не аддаваць ШІ камунікацыі. Рашыдзі заявіла, што не выкарыстоўвае нейрасеткі для лістоў і публічных выступаў: «Усё, што ідзе ад сэрца або розуму, павінна быць шчырым… і арганічна створаным мной — без выключэнняў».

Яна таксама перасцерагла ад «капіпаста» адказаў ШІ. Па яе словах, у свеце расце аб’ём ШІ-кантэнту, які «канібалізуецца» і перавыкарыстоўваецца для навучання мадэляў, а таму навыкі праверкі і верыфікацыі стануць крытычна важнымі: «Можна выкарыстоўваць ШІ для першага чарнавіка, але не капіруйце і не ўстаўляйце — ён часта недакладны».

У якасці прыкладу Рашыдзі расказала пра выпадак з працы з камандай даследчыкаў у буйной кампаніі: малодшы спецыяліст зрабіў той жа вынік, што і сеньёры, але «менш чым за палову часу», таму што «прыняў словы ChatGPT на веру». Вынікам стала ўнутранае правіла: ШІ — толькі для паскарэння даследавання, але не замест яго.

«Я плачу за ваш мозг і унікальнасць. Я не плачу вам за капіпаст — ліцэнзія на enterprise API OpenAI нашмат танней, чым вы», — рэзюмавала яна.