Николай Чикишев world 17 снежня 2025, 11:10

OpenAI выпусціла новы генератар выяў. Сцвярджае, што ён лепшы за Nano Banana Pro

Кампанія прэзентавала новую мадэль генерацыі выяваў GPT Image 1.5, якая стала часткай абноўленага інструмента ChatGPT Images.

Пакінуць каментарый

OpenAI выпусціла новы генератар выяў. Сцвярджае, што ён лепшы за Nano Banana Pro

Кампанія прэзентавала новую мадэль генерацыі выяваў GPT Image 1.5, якая стала часткай абноўленага інструмента ChatGPT Images.

OpenAI заяўляе, што мадэль лепш выконвае інструкцыі, дазваляе больш дакладна рэдагаваць выявы і працуе да чатырох разоў хутчэй у параўнанні з папярэдняй версіяй. Абнаўленне ўжо даступна ўсім карыстальнікам ChatGPT і распрацоўшчыкам праз API.

Ключавым удасканаленнем GPT Image 1.5 стала здольнасць уносіць лакальныя праўкі без перазборкі ўсёй сцэны. Мадэль змяняе толькі тыя элементы, якія пазначыў карыстальнік, захоўваючы асвятленне, кампазіцыю, каляровую гаму і знешнасць людзей. Гэта вырашае адну з галоўных праблем большасці генератыўных інструментаў: страту візуальнай кансістэнцыі пры ітэратыўным рэдагаванні.

Адначасова OpenAI змяніла карыстальніцкі інтэрфейс ChatGPT Images. У бакавой панэлі з’явіўся асобны раздзел, які кампанія называе «крэатыўнай студыяй». Ён спрашчае працу з выявамі, прапануе гатовыя стылі і папулярныя падказкі, а таксама робіць працэс генерацыі і рэдагавання больш нагляднымі.

GPT Image 1.5 таксама атрымала паляпшэнне працы з тэкстам на выявах, больш стабільную генерацыю дробных дэталяў і зніжаныя выдаткі для API-карыстальнікаў — кошт апрацоўкі выяваў стаў прыкладна на 20% ніжэйшым.

Запуск генератара стаў чарговым крокам OpenAI ў абвостранай канкурэнцыі з Google. У канцы лістапада кіраўнік OpenAI Сэм Альтман абвясціў унутры кампаніі рэжым «код чырвоны» пасля таго, як мадэлі Gemini 3 і генератар выяваў Nano Banana Pro ад Google пачалі займаць верхнія радкі ў галіновых рэйтынгах. Хоць OpenAI нядаўна адказала рэлізам GPT-5.2, Google па-ранейшаму ўтрымлівае лідарства ў шэрагу бенчмаркаў, што, паводле крыніц, паскорыла выхад новага генератара выяваў.