Николай Чикишев 29 кастрычніка 2022, 13:35

Канье Уэсту вярнулі доступ да Twitter. Маск заявіў, што ён ні пры чым

Рэперу аднавілі доступ да яго старонкі ў сацыяльнай сетцы пасля таго, як кампанію набыў Ілан Маск.

Паводле даных Reuters, Уэст яшчэ не публікаваў новых твітаў пасля разблакоўкі. Twitter пакуль не пракаментаваў сваё рашэнне. Рэперу абмежавалі доступ да акаўнта на пачатку кастрычніка, прычынай сталі яго антысеміцкія пасты «супраць габрэйскага народа». Дагэтуль Уэст не вёў сваёй старонкі два гады. Маск паведаміў, што акаўнт Уэста быў адноўлены без яго ведама і яшчэ да завяршэння ўгоды па куплі кампаніі.

Таксама ў сацсетках з’явілася паведамленне, якое прыпісвалі былому прэзідэнту ЗША Дональду Трампу. Нібыта Трамп павіншаваў Маска з купляй Twitter. Пазней у інтэрв’ю каналу Fox News былы амерыканскі прэзідэнт заявіў: «Я застаюся ў TRUTH, хоць Маск мне падабаецца».