Карткі Visa Белгазпромбанка і Белаграпрамбанка таксама больш не працуюць у ЕС

«Па рашэнні міжнароднай плацежнай сістэмы Visa з 19 сакавіка 2026 года будуць недаступныя аперацыі з выкарыстаннем картак Visa Белгазпрамбанка на тэрыторыі краін Еўрапейскага саюза (у тым ліку ў інтэрнэт-крамах, зарэгістраваных на тэрыторыі такіх краін)», — напісаў банк у сябе ў тэлеграме.

У Беларусі і іншых краінах, акрамя ўзгаданых, карткі працягнуць дзейнічаць. Для плацяжоў на тэрыторыі ЕС кліентам параілі выпусціць або выкарыстоўваць ужо наяўную карту Mastercard.

Карыстальнікі Android могуць у тым ліку з-за межаў Беларусі аформіць віртуальную карту Mastercard праз аплікацыі DailyFin ці BGPB mobile. Яе можна дадаць у Samsung Pay ці Swoo і працягваць рабіць плацяжы з мабільнай прылады. Банк прапануе кансультацыі па любых пытаннях.

Таксама з 18 сакавіка на тэрыторыі Еўрапейскай эканамічнай зоны будуць недаступныя аперацыі па картках Visa для кліентаў Белаграпрамбанка — плацяжы, інтэрнэт-плацяжы і міжнародныя пераводы. Такое паведамленне банк атрымаў ад плацежнай сістэмы.

Абмежаванні закрануць:

• краіны Еўрапейскага саюза (Аўстрыя, Бельгія, Балгарыя, Венгрыя, Германія, Грэцыя, Данія, Ірландыя, Іспанія, Італія, Кіпр, Латвія, Літва, Люксембург, Мальта, Нідэрланды, Польшча, Партугалія, Румынія, Славакія, Славенія, Фінляндыя, Францыя, Харватыя, Чэхія, Швецыя, Эстонія);
• краіны Еўрапейскай асацыяцыі свабоднага гандлю (Ісландыя, Ліхтэнштэйн, Нарвегія);
• Вялікабрытанію.

Белаграпрамбанк папрасіў кліентаў прадугледзець альтэрнатыўныя варыянты правядзення транзакцый. У Беларусі і ў іншых рэгіёнах свету карткі працягваюць працаваць у звычайным рэжыме.

Раней аб праблемах з картамі Visa паведаміў Альфа-Банк.

У Еўропе перасталі працаваць карткі Visa Альфа-Банка

Па тэме

У Еўропе перасталі працаваць карткі Visa Альфа-Банка

Хакеры скралі персанальныя даныя 40+ тыс. кліентаў Белгазпрамбанка

Па тэме

Хакеры скралі персанальныя даныя 40+ тыс. кліентаў Белгазпрамбанка