Алеся Чапкевич world 30 кастрычніка 2026, 12:25

Карыстальнікі перамаглі: OpenAI падвоіла ліміты ChatGPT Pro і раздае бясплатныя крэдыты на API

OpenAI анансавала двукратнае павелічэнне лімітаў выкарыстання для ўсіх платных тарыфаў Pro ($100, $200 і $500), а таксама падпіскі Business Premium.

Пакінуць каментарый

Дадай у Google

OpenAI анансавала двукратнае павелічэнне лімітаў выкарыстання для ўсіх платных тарыфаў Pro ($100, $200 і $500), а таксама падпіскі Business Premium.

Змены ўжо ўступілі ў сілу. Пра гэта заявіў кіраўнік напрамку Codex і ChatGPT Тыба Сатыё ў X.

Першапачаткова кампанія збіралася з 29 кастрычніка скараціць лімiты для падпісчыкаў тарыфу Pro 200 удвая, не мяняючы кошт падпіскі. Такая перспектыва выклікала моцную хвалю незадаволенасці сярод карыстальнікаў, пасля чаго OpenAI аператыўна дала задні ход.

«Мы вас пачулі і не будзем зніжаць лімiты для Pro 200, таму ваш аб’ём выкарыстання Work і Codex застанецца ранейшым. Больш за тое, з сённяшняга дня мы ўдвая павялічваем лімiты для ўсіх узроўняў Pro 100/200/500 і Business Premium», — напісаў Сатыё.

Акрамя таго, OpenAI захавала павышаныя лімiты для сваіх пастаянна актыўных ШІ-асістэнтаў Dots. Выкарыстанне Dots па-ранейшаму ўлічваецца асобна і не расходуе асноўны ліміт падпіскі.

OpenAI не раскрывае дакладных значэнняў лімітаў для кожнага тыра, але цяпер у распрацоўшчыкаў і прафесійных карыстальнікаў значна больш свабоды пры працы з Work і Codex без неабходнасці пераходзіць на больш дарагія тарыфы.

Прыемны бонус: кэшбэк у выглядзе крэдытаў на API

Разам з пашырэннем лімітаў OpenAI запусціла праграму кампенсацыі: цяпер падпісчыкі Pro ($100, $200 і $500 у месяц) атрымліваюць 100% кошту падпіскі назад у выглядзе штомесячных крэдытаў на выкарыстанне API. Для камандных тарыфаў Business налічваецца да $500 на воркспейс. Крэдыты згараюць у канцы кожнага разліковага месяца, не пераносяцца і не пакрываюць працу Codex праз API-ключы, але даюць распрацоўшчыкам фактычна «бясплатны» бюджэт на тэсціраванне і зборку ўласных ШІ-агентаў — дакладна паўтараючы аналагічную прапанову ад Anthropic для тарыфаў Claude Max і Team.