Комік Кэці Грыфін змяніла імя ў Twitter на Ілана Маска. Сацсетка яе заблакавала

У заблакаваным акаўнце гаворыцца, што сацсетка блакуе акаўнты за парушэнне правілаў. У Грыфін былі два мільёны падпісчыкаў у Twitter. «Яна была заблакаваная за тое, што спрабавала выдаць сябе за іншага коміка», — напісаў Маск у Twitter. Ён удакладніў, што старонкі тых людзей, якія выдаюць сябе за іншых, будуць блакавацца назаўжды.

Таксама раней з сацсеткі знік акаўнт былой дзяўчыны Маска Эмбер Хёрд. Ён выявіўся дэактываваным неўзабаве па куплі Маскам сацсеткі. Абое адмовіліся каментаваць, ці звязаныя гэтыя падзеі. Новы кіраўнік Twitter заявіў, што сацсетка цалкам зменіць працэс верыфікацыі старонак карыстальнікаў. Маск прапанаваў увесці плату $8 за верыфікацыю акаўнта.