КДК выявіў, што бюджэтныя грошы ішлі не ў распрацоўку беларускага электракара, а ў кішэню топ-менеджарам праекта
Камітэт дзяржкантролю распавёў аб раскраданні бюджэтных грошай, якія вылучаліся на распрацоўку айчыннага электрамабіля, у Аб’яднаным інстытуце машынабудавання НАН.
Незаконную схему арганізаваў гендырэктар інстытута разам з намеснікам, галоўбухам і галоўным эканамістам. Спачатку «давераным» супрацоўнікам налічвалі неабгрунтаваныя надбаўкі да зарплаты. Гэтыя грошы супрацоўнікі здымалі з картак і перадавалі намесніку дырэктара інстытута. А потым грошы размяркоўваліся паміж чатырма ўдзельнікамі схемы.
Таксама высветлілася, што апошнія чатыры гады дырэктар філіяла «НВА Цэнтр» неаднаразова атрымліваў адкаты за лабіраванне інтарэсаў камерцыйных структур, у тым ліку расійскіх, пры пастаўцы тавараў і за своечасовую аплату прадукцыі. Акрамя таго, выяўлены раскраданні і злоўжыванні службовымі паўнамоцтвамі ў рэгіянальных структурах НАН. Дырэктар Інстытута біяхіміі біялагічна актыўных злучэнняў, як у схеме вышэй, прэміраваў супрацоўнікаў, а потым збіраў з іх гэтыя грошы. А дырэктар падведамаснага НАН дзіцячага аздараўленчага лагера атрымліваў хабары за лабіраванне інтарэсаў сталічных прадпрымальнікаў.
Па выяўленых фактах узбуджаны крымінальныя справы.
Читать на dev.by