У НАН раскрылі, што адбываецца з беларускім электракарам

У Аб’яднаным інстытуце машынабудавання НАН адзначаюць, што першы ўзор быў беларускім не цалкам — шкло і шэраг прыбораў закупілі ў Расіі і Кітаі, але 70% камплектуючых, уключаючы электрарухавікі, электроніку, праграмы кіравання, былі айчыннымі. Машына бясшумная, нічым не саступае бензінавай версіі і на поўным зарадзе можа прайсці да 400 км.

Навукоўцы ўжо рыхтуюць наступную імпартазамяшчальную навінку. «Беларускі электракар у гэтай версіі — гэта акумуляванне ўсяго таго досведу, які мелі да гэтага часу. І тут самы сучасны інвертар, рухавік і нашы напрацоўкі ў галіне батарэі, сістэм кіравання», — сказалі ў Інстытуце.

У вытворчасці запчастак і камплектуючых удзельнічаюць многія беларускія прадпрыемствы. Напрыклад, электрарухавікі выраблены на «Магілёўліфтмашы», і там кажуць, што іх магутнасць «на ўзроўні сучасных еўрапейскіх аналагаў».

Зараз беларускія электракары праходзяць тэхнічныя выпрабаванні і камерцыйныя ацэнкі. А яшчэ распрацоўшчыкі разам з заводамі спрабуюць зрабіць электрамабіль канкурэнтаздольным па кошце.

У Акадэміі навук сказалі, колькі будзе каштаваць першы беларускі электракар

Па тэме

У Акадэміі навук сказалі, колькі будзе каштаваць першы беларускі электракар

Навукоўцы працягваюць распрацоўваць акумулятары. Зараз іх збіраюць з кітайскіх камплектуючых. Замест літыйіонных ячэек стаўку зрабілі на натрый. Навукоўцы стварылі 100 такіх экзэмпляраў і хочуць маштабаваць вытворчасць.

На нарадзе па атамнай энергетыцы ў сярэдзіне месяца Лукашэнка абяцаў навукоўцам «неймаверныя грошы», калі яны створаць прымальны варыянт айчынных батарэй для электракараў. Тым больш так іх не трэба было б закупляць у іншых краінах. «Вось гэта будзе прарыў. Вось няхай нашы навукоўцы пакажуць сваю спрытнасць. Атрымаеце неймаверныя грошы за гэта. Тым больш гэта ж не навінка», — заявіў палітык.

Ільготу па электрамабілях падоўжаць, але ненадоўга

Па тэме

Ільготу па электрамабілях падоўжаць, але ненадоўга