Кітаянка перагрызла кабель дэманстрацыйнага айфона ў краме, каб скрасці

Спачатку жанчына шпацыравала па краме, ствараючы ўражанне, што проста разглядае прылады. А потым перакусіла трос супраць крадзяжу, якім смартфон быў прывязаны да стэнда, і змагла выйсці з крамы з трафеем незаўважанай. Пазней супрацоўнікі стора ўбачылі агрызак кабеля і зніклы айфон. На працягу паўгадзіны паліцыя адсачыла Цю па запісах камер відэаназірання і арыштавала каля дома.

Кітаянка прызналася, што сумленна планавала заплаціць за тэлефон — свой ранейшы яна страціла. Але ўбачыўшы цэннік, $960 у эквіваленце, перадумала і вырашыла скрасці дэвайс. Але ж магла пачакаць зусім крыху — 12 верасня Apple пакажа мадэлі 15 пакалення, і кошты на леташнюю лінейку знізяцца. Сігналізацыя ў працэсе спрацавала, але супрацоўнікі крамы нічога «крымінальнага» на той момант не заўважылі.