Кофаўндар Google: айцішнікам рана сыходзіць на пенсію ў эпоху ШІ
Сузаснавальнік Google Сяргей Брын заклікаў ІТ-спецыялістаў «змахнуць пыл з клавіятур» і вярнуцца да працы, заявіўшы, што цяпер не час для выхаду на пенсію.
Сузаснавальнік Google Сяргей Брын заклікаў ІТ-спецыялістаў «змахнуць пыл з клавіятур» і вярнуцца да працы, заявіўшы, што цяпер не час для выхаду на пенсію.
Выступаючы на канферэнцыі Google I/O 2025, Сяргей Брын, які вярнуўся ў кампанію пасля шасцігадовага перапынку, падкрэсліў унікальную ролю штучнага інтэлекту ў гісторыі тэхналогій. Пакінуўшы пасаду прэзідэнта Alphabet у 2019 годзе, цяпер Брын актыўна ўдзельнічае ў распрацоўцы перадавых мадэляў ШІ ў Google DeepMind, даследчым падраздзяленні кампаніі.
Падчас выступлення бізнесмен разам з кіраўніком DeepMind Дэмісам Хасабісам распавёў, што працуе ў Google «амаль штодня», дапамагаючы навучаць найноўшыя мадэлі Gemini. «Цяпер унікальны момант у гісторыі. Ніводзін камп’ютарны спецыяліст не павінен заставацца ўбаку», — адзначыў Брын. Ён параўнаў бум ШІ з раннімі этапамі развіцця інтэрнэту і заявіў, што штучны інтэлект прапаноўвае «куды больш захапляльную» магчымасць, якая аказвае велізарны ўплыў на свет.
Брын падкрэсліў, што яго вяртанне звязана не толькі з гонкай за стварэннем агульнага штучнага інтэлекту (AGI) — сістэм, здольных выконваць задачы на чалавечым узроўні, — але і з беспрэцэдэнтнымі магчымасцямі, якія адкрывае ШІ. «Мы маем цвёрды намер зрабіць Gemini першым AGI», — заявіў ён.
Да сыходу з Alphabet мільярдэр кіраваў амбіцыйнымі праектамі ў Google X, у тым ліку правальнымі смарт-акулярамі Google Glass. У перыяд адсутнасці ў карпарацыі ён займаўся стартапам па стварэнні дырыжабляў LTA Research, фінансаваў даследаванні хваробы Паркінсона і інвеставаў у нерухомасць. Цяпер яго ўвага засяроджаная на лідарстве Google у сферы ШІ.
Кофаўндар Google растлумачыў, чаму вярнуўся ў кампанію і працуе амаль кожны дзень. І чаму праваліліся разумныя акуляры Google Glass
Кофаўндар Google растлумачыў, чаму вярнуўся ў кампанію і працуе амаль кожны дзень. І чаму праваліліся разумныя акуляры Google Glass
ШІ-інструмент для кодэраў, ШІ-агент, генератары малюнкаў і відэа: галоўныя анонсы Google I/O 2025
ШІ-інструмент для кодэраў, ШІ-агент, генератары малюнкаў і відэа: галоўныя анонсы Google I/O 2025
Google душыць стартап-экасістэму — Y Combinator
Google душыць стартап-экасістэму — Y Combinator
Рэлацыраваліся? Цяпер вы можаце каментаваць без верыфікацыі акаўнта.