Аддзел навін world 15 мая 2025, 14:13

Google душыць стартап-экасістэму — Y Combinator

Y Combinator назваў Google «манапалістам» і заявіў, што кампанія штучна стрымлівае развіццё стартап-экасістэмы. Такое экспертнае заключэнне вядомы бізнэс-інкубатар зрабіў у рамках антыманапольнага разбору ў дачыненні да кампаніі ў ЗША.

2 каментарыя

Google душыць стартап-экасістэму — Y Combinator

Y Combinator назваў Google «манапалістам» і заявіў, што кампанія штучна стрымлівае развіццё стартап-экасістэмы. Такое экспертнае заключэнне вядомы бізнэс-інкубатар зрабіў у рамках антыманапольнага разбору ў дачыненні да кампаніі ў ЗША.

У дакуменце гаворыцца, што з-за дамінавання Google вакол яе ўтварылася своеасаблівая «зона смерці» — інвестары пазбягаюць праектаў у сферы вэб-пошуку і ШІ, якія маглі б з ёй канкурыраваць. Аднак у YC адзначаюць, што стараюцца падтрымліваць стартапы, што ствараюць інструменты пытанне-адказ і агентныя ШІ-сістэмы, здольныя змяніць тое, як людзі ўзаемадзейнічаюць з інфармацыяй у сетцы.

«Google фактычна замарозіла рынкі вэб-пошуку і тэкставай рэкламы больш чым на дзесяцігоддзе», — сцвярджаюць у акселератары.

Пры гэтым не патрабуецца неадкладнага прымусовага падзелу кампаніі. Эксперты лічаць, што неабходна толькі спыніць антыканкурэнтныя практыкі Google — напрыклад, тое, што яна штогод выплачвае Apple мільярды долараў, каб заставацца пошукавікам па змаўчанні на айфонах. Таксама яны сцвярджаюць, што Google павінна прыняць меры, якія дапамогуць стартапам — напрыклад, адкрыць свой пошукавы індэкс, каб іншыя маглі трэніраваць на ім свае моўныя мадэлі.

Калі 10 інжынераў робяць працу 50-100: у Y Combinator яшчэ раз растлумачылі чаму вайб-кодынг — будучыня Крамянёвай даліны

Калі ж Google не пойдзе на такія захады цягам бліжэйшых 5–10 гадоў, то ўлады, на думку YC, маглі б прымусіць яе аддзяліць некаторыя падраздзяленні.

TechCrunch адзначае, што такая пазіцыя інкубатара можа падацца нечаканай на фоне леташніх партнёрстваў з Google — у прыватнасці, Google Cloud даў стартапам YC доступ да выдзеленага кластара графічных працэсараў Nvidia. А ў снежні Лары Пэйдж асабіста выступаў на мерапрыемстве YC. Таксама раней Google інвеставала ў стартапы YC або набывала іх.

З іншага боку, YC цесна звязаны з OpenAI — прамым канкурэнтам Google у сферы пошуку. CEO OpenAI Сэм Альтман раней узначальваў YC.

Google плаціць былым супрацоўнікам каб тыя не далучаліся да канкурэнтаў

2 каментарыя

Тэкст: Аддзел навін Фота: Paul Miller / Flickr Крыніца: TechCrunch Тэгі: google, y combinator, антимонопольное расследование, конкуренция, монополия, стартапы, сша

Знайшлі памылку ў тэксце-вылучыце яе і націсніце Ctrl+Enter. Знайшлі памылку ў тэксце-вылучыце яе і націсніце кнопку «Паведаміць пра памылку».