Да $8 тыс. лідам у EPAM і Exadel. Колькі гатовыя плаціць ІТ-кампаніі ў Польшчы пры канцы лета?

На канец чэрвеня ў Польшчы было зарэгістравана 444 ІТ-кампаніі з беларускім капіталам. Усяго ад пачатку 2024 года беларусы адкрылі больш за 30 новых арганізацый. Для параўнання: за ўвесь мінулы год у Польшчы з’явілася каля 100 новых ІТ-кампаній з беларускім капіталам.

EPAM

На сайце кампаніі размешчана амаль 200 прапаноў працы ў Польшчы. Сярод усіх лакацый, дзе ёсць падраздзяленні EPAM, больш вакансій толькі ў Індыі (800+).

Кампанія шукае як джуноў (з досведам работы 6+ месяцаў), так і дасведчаных спецыялістаў (сеньёраў і лідоў з досведам працы 4-5+ гадоў). 

EPAM патрэбныя распрацоўшчыкі (Java, JavaScript, Python,. Net), інжынеры, SAP Consultant.

На спецыялізаваных сайтах пошуку працы вакансій значна менш, пры гэтым у апісанні большасці адсутнічае інфармацыя пра зарплату.

Мы знайшлі толькі дзве вакансіі з пазначэннем зарплаты — для Lead Data Software Engineer. Кампанія гатовая плаціць да 31,5 тысяч злотых (8,1 тысячы долараў) па B2B-кантракце і да 28 тысяч злотых (7,2+ тысячы долараў) брута па працоўным кантракце («умове, а працы»).

Wargaming

На сайце кампаніі ўсяго 5 вакансій для працы ў Польшчы. Студыі патрэбныя мастакі, распрацоўшчык, аналітык у каманду World Of Tanks. Досвед працы — 3-5 гадоў. 

Памер заробкаў не пазначаны. Wargaming абяцае новым супрацоўнікам:

• Магчымасці кар’ернага росту і навучання ў кампаніі.
• Прэміум медабслугоўванне.
• Праграму псіхічнага дабрабыту.
• Карту мультыспорт.
• Персанальны гульнявы рахунак.

Exadel

На сайце кампаніі каля 30 вакансій у Польшчы. Кампаніі ў асноўным патрэбныя распрацоўшчыкі і інжынеры. Ёсць і прапановы для аналітыка і дызайнера. У залежнасці ад пазіцыі патрабаваны досвед працы — ад 2 да 5+ гадоў.

Заробак у залежнасці ад пазіцыі вагаецца ад 3 да 7+ тысяч долараў. 

Напрыклад, Lead PHP Developer гатовыя плаціць да 30+ тысяч злотых па B2B-кантракце (7,8 тысячы долараў). У два разы ніжэйшы заробак у Modern Work Teams Phone Scale Specialist.

У кампаніі дзейнічае рэферальная праграма. Exadel выплачвае сваім супрацоўнікам бонусы за кожнага запрошанага спецыяліста, які паспяхова пройдзе выпрабавальны тэрмін. На дадзены момант праграма дзейнічае ў Польшчы, Балгарыі, Венгрыі, Грузіі і Узбекістане.

Vention

На сайце кампаніі больш за 50 прапаноў працы ў Польшчы: як для дасведчаных супрацоўнікаў, так і для джуноў (ад года). Большасць вакансій — для Engineer (Middle C++, Senior .Net, Senior DevOps, Middle Android/iOS, Junior Java). Ёсць і прапановы для бізнэс-аналітыкаў, Solution Architect.

Для большасці пазіцый зарплаты не пазначаныя. .NET Engineer кампанія гатовая плаціць ад 10 да 20 тысяч злотых (2,5-5 тысячы долараў). 

Пачаткоўцам прапаноўваюць: 

• Індывідуальны падыход да развіцця кар’еры, адаптацыю планаў росту да кожнай пасады.
• Доступ да праграмы тэхналагічнага настаўніцтва.
• Пашыраную медыцынскую падтрымку.
• Навучанне на курсах польскай мовы.

SolbegSoft

На сайце кампаніі размешчана дзесяць вакансій для працы ў Польшчы. Кампанія шукае распрацоўшчыкаў, Sales Manager, Technical Support Engineer, Solution Installation Specialist.

У апісанні некаторых вакансій ёсць інфармацыя пра зарплату. 

• .Net Developer з досведам працы 5+ гадоў гатовыя плаціць да 17 тысяч злотых па B2B-кантракце (4,4 тысячы долараў) і да 14 тысяч злотых брута па «ўмове, а працы» (3,6 тысячы долараў).
• Заробак, які прапаноўваюць Solution Installation Specialist — да 18 тысяч злотых па B2B-кантракце (4,7 тысячы долараў) і да 15 тысяч злотых брута па «ўмове, а працы» (3,9 тысячы долараў).
• А Cloud DevOps Engineer (Azure/GCP) можа зарабляць да 18 тысяч злотых па B2B-кантракце (4,7 тысячы долараў) і да 15,5 тысяч злотых брута па «ўмове, а працы» (4 тысячы долараў).

Godel

Кампанія не наймае актыўна новых супрацоўнікаў, у тым ліку ў Польшчы. На афіцыйным сайце толькі адная вакансія для тэхнічных спецыялістаў — для Senior Fullstack JS Engineer (Vue/Nodejs) з досведам працы большым за 4 гадоў і ўзроўнем англійскай мінімум B2. Таксама кампанія шукаем Senior Learning and Development Specialist і настаўніка польскай мовы. 

Яшчэ адную вакансію мы знайшлі на nofluffjobs.com — для Senior FullStack JavaScript Engineer (Vue + Node). Прапанаваны заробак складае ад 14,5 да 19 тысяч злотых (3,7-4,9 тысячы долараў) у залежнасці ад умоў працаўладкавання.

Andersen

На сайце кампаніі размешчана больш за 80 прапаноў працы, але без пазначэння лакацый.

Частка вакансій для працы ў Польшчы кампанія размясціла на спецыялізаваных сайтах. Andersen патрэбныя распрацоўшчыкі, бізнэс-аналітык і Business Intelligence Architect для працы над праектам у сферы лагістыкі. 

Сярод адкрытых вакансій самы высокі заробак кампанія гатовая прапанаваць Lead Go Developer — да 30 тысяч злотых (7,7 тысячы долараў). Як сказана ў апісанні вакансіі, спецыяліст будзе працаваць у праекце заказчыка з ЗША — міжнародным сэрвісе пасажырскіх і грузавых перавозак.

IBA Group

Кампанія размясціла на сваім сайце 8 прапаноў працы ў Польшчы (у офісах ва Уроцлеве і Варшаве), большасць вакансій — для SAP Consultant. Адное з асноўных патрабаванняў да суіскальнікаў — больш за 3 гады досведу працы ў кансалтынгавай кампаніі або ў ІТ-аддзеле заказчыка SAP. 

Itransition

На сайце кампаніі — больш за 30 вакансій, у апісанні якіх сярод лакацый згадваецца Польшча. Itransition шукае бізнэс-аналітыкаў, распрацоўшчыкаў (з досведам ад 2 да 5+ гадоў), Sales and Marketing, інжынераў, Project Management.

У апісанні вакансій пазначана, што кампанія рэалізуе праекты для такіх кампаній як PayPal, Wargaming, Xerox, Philips, Adidas і Toyota. Інфармацыя аб прапанаванай зарплаце адсутнічае.