Кампаніі, якія скарачалі персанал у разліку замяніць яго штучным інтэлектам, пачынаюць пераглядаць гэтыя рашэнні. Ford, Commonwealth Bank of Australia, IBM ды іншыя карпарацыі сутыкнуліся з задачамі, якія аўтаматызаваныя сістэмы не змаглі вырашыць без удзелу людзей.
Кампаніі, якія скарачалі персанал у разліку замяніць яго штучным інтэлектам, пачынаюць пераглядаць гэтыя рашэнні. Ford, Commonwealth Bank of Australia, IBM ды іншыя карпарацыі сутыкнуліся з задачамі, якія аўтаматызаваныя сістэмы не змаглі вырашыць без удзелу людзей.
Ford, паводле выдання, паўторна наймае сотні дасведчанных інжынераў для ліквідацыі праблем з якасцю аўтамабіляў. Аўтаматызаваныя сістэмы не справіліся з гэтай працай. Віцэ-прэзідэнт Ford па інжынерыі аўтамабільных сістэм Чарльз Пун адзначыў, што ШІ застаецца карысным інструментам, але яго вынік залежыць ад дадзеных, на якіх ён навучаны.
Аўстралійскі Commonwealth Bank летась скараціў больш за 40 супрацоўнікаў службы падтрымкі, замяніўшы іх галасавым ШІ-ботам. Аднак сістэма не справілася з нагрузкай: колькасць зваротаў вырасла, і банк адмяніў скарачэнні. Пазней CBA прызнаў, што недастаткова старанна ацаніў, якія ролі сапраўды спатрэбяцца бізнесу.
IBM аўтаматызавала працу HR-службы: ШІ апрацоўваў каля 94% тыпавых запытаў супрацоўнікаў. Але астатнія 6% — у тым ліку пытанні з этычнымі дылемамі — сістэма вырашыць не змагла. Пасля гэтага кампанія абвясціла, што ў 2026 годзе утрая павялічыць набор пачаткоўцаў у ЗША.
«Калі мы перастанем інвеставаць у найм супрацоўнікаў пачатковага ўзроўню, што адбудзецца праз тры-пяць гадоў? Не застанецца кадравага рэзерву — калодзеж проста высахне», — сказала дырэктар па персаналу IBM Нікл ЛаМора.
Паводле дадзеных кансалтынгавай кампаніі Orgvue, 39% кіраўнікоў звальнялі супрацоўнікаў праз укаранення ШІ. Пры гэтым 55% з іх пазней прызналі, што прынялі памылковыя рашэнні пра скарачэнні.
Іншае даследаванне рэкрутынгавай кампаніі Robert Half паказала, што 32% менеджараў па найму ў ЗША ліквідавалі пасаду перш за ўсё праз ШІ, а затым зноў шукалі чалавека на тую ж або падобную ролю.
Аналітыкі адзначаюць, што кампаніі часта недаацэньваюць неабходнасць чалавечага кантролю за ШІ. Калі адказы мадэлі аказваюцца недакладнымі, непаслядоўнымі або непрыдатнымі для практычнай работы, бізнесу даводзіцца вяртаць спецыялістаў для праверкі вынікаў. Гэта можа прывесці да падвойнай працы, запаволення рашэнняў і звесці чаканую эканомію на нішто.
Рэлацыраваліся? Цяпер вы можаце каментаваць без верыфікацыі акаўнта.