Кампаніі ПВТ скарацілі адлічэнні падаткаў у бюджэт — упершыню за 5 гадоў
Стала вядома, колькі падаткаў заплацілі ў бюджэт рэзідэнты ПВТ у 2023 годзе. Сума выявілася значна меншай, чым за год да таго
Як паведамляе ПВТ са спасылкай на Міністэрства падаткаў і збораў, у 2023 годзе рэзідэнты Парка заплацілі ў бюджэт 667,8 мільёна рублёў. Гэта на 80+ мільёнаў рублёў, або на 11% менш, чым у 2022 годзе.
Падатковыя адлічэнні рэзідэнтаў ПВТ скараціліся ўпершыню за апошнія 5 гадоў.
Верагодна, адная з ключавых прычын — сыход кампаній з ПВТ, які спрычыніўся і да адтоку кадраў. Таксама леась у многіх кампаніях быў замарожаны перагляд заробкаў у якасці антыкрызіснай меры ва ўмовах скарачэння заказаў.
Мяркуючы са звестак ПВТ, летась упалі не толькі падатковыя адлічэнні рэзідэнтаў, але і аб’ём вытворчасці. Калі ў 2022 годзе ён склаў амаль 8,3 мільярда рублёў, то за мінулы год ён скараціўся на 15% да 7,1 мільярда рублёў.
Читать на dev.by