Ці рэальна джуну знайсці працу ў Беларусі? Паглядзелі на вакансіі і стажыроўкі буйнога аўтсорсу

EPAM

Кампанія за апошні час павялічыла колькасць прапаноў для працы ў беларускім падраздзяленні. На афіцыйным сайце амаль 40 вакансій.  

Большасць вакансій мае на ўвазе аддаленую працу, пры гэтым амаль палова прапаноў аб працы — для джуноў.

У прыватнасці, кампанія шукае спецыяліста ў службу падтрымкі, а таксама Junior Application Support Analyst, які будзе аказваць тэхнічную падтрымку кліентам, што выкарыстоўваюць аналітычную платформу для канкурэнтных даследаванняў InfoNgen. 

Пачаткоўцам абяцаюць, у прыватнасці, комплексны пакет медыцынскіх паслуг, тыдзень бальнічнага без медыцынскай даведкі і скідкі ад больш як 800 партнёраў (спартыўныя мерапрыемствы, рэстарацыі, крамы і паслугі).

Але большасць прапаноў — для джуноў-рэкруцёраў. Прычым у апісанні многіх вакансій паказана, што «вопыт у кадравым забеспячэнні, падборы персаналу або сферы ІТ не абавязковы». Неабходнае навучанне пачаткоўцы атрымаюць ужо ў EPAM. Адным з абавязковых патрабаванняў для такіх спецыялістаў з’яўляецца ўзровень англійскай не ніжэйшы за В+.

Andersen

Кампанія працягвае актыўна пашыраць штат праз стажыроўкі.

За апошні месяц кампанія размясціла больш за 30 прапаноў аб праходжанні стажыроўкі на розных напрамках:  Java, General Manager, Project Manager, QA Automation, QA Manual, Business Analysis, .NET, Design, System Analysis.

Каб трапіць на стажыроўку ў Andersen, вопыт працы не патрабуецца.  Пасля паспяховай стажыроўкі ёсць магчымасць уладкавацца на працу ў кампанію.

Ёсць прапановы і для джуноў. Напрыклад, кампанія шукае Junior Automation QA Engineer (C#) для праекта, заказчыкам якога з’яўляецца маркетынгавая платформа ў індустрыі iGaming. 

Таксама ёсць прапанова для Junior QA Automation Engineer (Python). Кліентам з’яўляецца аўтамабільная кампанія ў Катары. Пачатковец будзе працаваць у праекце па распрацоўцы і запуску вэб-сайта па продажы патрыманых аўтамабіляў. 

Aston

У расійскай кампаніі Aston таксама шмат прапаноў для стажораў без вопыту, таксама асобна ёсць праграмы бясплатнага анлайн-навучання.

Ёсць праграмы стажыроўкі і навучання як для тэхнічных спецыялістаў (DevOps інжынер, Java Developer, QA Engineer Java, Data Engineer, праграміст 1С), так і не тэхнічных (асістэнт менеджара па падборы персаналу ў ІТ-сферы). 

Стажыроўкі і навучанне праходзяць у анлайн-фармаце. У залежнасці ад праграмы тэрмін навучання складае ад 1 да 4 месяцаў. 

На час стажыроўкі/вучобы кампанія гарантуе працаўладкаванне па працоўным кодэксе Беларусі і выплату стыпендыі. Памер стыпендыі ў залежнасці ад спецыялізацыі вар'іруецца ад 390 да 1150 долараў. На самую вялікую стыпендыю можа прэтэндаваць Data Analyst. 

Памер стыпендый у Aston

• Асістэнт менеджара па падборы персаналу ў ІТ-сферы — $390-650.
• Сістэмны аналітык — $700-800.
• 1С распрацоўшчык — $700-750.
• Бізнес-аналітык 1С — $750-860.
• Java распрацоўшчык — $700-800.
• Дата-аналітык — $1000-1150.

Кампанія заяўляе, што штогод навучае 900+ чалавек, а 75% стажораў з першага разу праходзяць інтэрв’ю на праекты.

Innowise Group

У кампаніі таксама вялікі выбар прапаноў для ахвотных прайсці стажыроўку.

Цяпер такіх прапаноў больш за 10, у тым ліку для SharePoint Developer, AQA in JavaScript/ C#, AQA in Java, Data Engineer/Data Analyst, .Net Developer.

Стажыроўка праходзіць у офісе. У кампаніі заяўляюць, што праграма дазваляе сумяшчаць стажыроўку з вучобай і доўжыцца ў сярэднім ад 3 да 6 месяцаў.

Стажыроўка не аплачваецца. Але ёсць магчымасць трапіць на рэальны праект ужо ад другога ці трэцяга месяца ў выпадку добрых вынікаў. У гэтым выпадку вучоба спыняецца датэрмінова, чалавека бяруць у штат кампаніі і пачынаюць аплачваць працу.

Таксама Innowise Group набірае ў каманду джуноў. На сайце кампаніі больш за 10 вакансій для спецыялістаў такога ўзроўню на праектах заказчыкаў з ЗША, Канады, краін ЕС і СНД. 

Innowise Group шукае Engineer, распрацоўшчыкаў (Node.js, Java, Rust), бізнэс-аналітыкаў, Project Coordinator, 3D Animator.

Itransition

У кампаніі няма патрэбы ў спецыялістах узроўню Junior, але ёсць некалькі прапаноў для стажораў-тэсціроўшчыкаў. 

Праграма прадугледжвае бясплатнае 3-месячнае навучанне, 40 гадзін на тыдзень. Адное з патрабаванняў — базавае разуменне Java, C# або JavaScript.

Пасля паспяховага завяршэння навучання кампанія абяцае працаўладкаванне і ўдзел у праектах для такіх вядомых кампаній, як Mercedes-Benz, Diageo, Adidas, Whirpool, Shell і іншых.

Таксама кампанія шукае Talents Acquisition Administrator без вопыту на поўны працоўны дзень у офісе. 

LeverX Group 

Сярод вакансій для тэхнічных спецыялістаў, якія патрэбныя кампаніі, няма прапановы для джуноў. Што тычыцца іншых пазіцый, то LeverX шукае, у прыватнасці, каардынатара навучальных курсаў унутры кампаніі. Вопыт працы на гэтай пазіцыі не патрабуецца. 

Таксама кампанія шукае джуна-рэкруцёра для працы на замежных рынках (ЕС, ЗША) без вопыту работы і рэкруцёра з вопытам працы ў падборы персаналу большым за год. 

BELHARD

У кампаніі больш за два дзясяткі прапаноў працы. Але для людзей без вопыту або джуноў з невялікім вопытам вакансій амаль няма. 

Кампанія шукае студэнтаў 3-5 курсаў ВНУ на пазіцыю стажора-праграміста С++ (спецыяліст па абароне інфармацыі, cryptoanalyst). Навучанне бясплатнае за кошт кампаніі. 

Таксама кампаніі патрэбны Junior распрацоўшчык браўзерных HTML5-гульняў з веданнем React. 

SoftClub

У кампаніі адкрытая праграма стажыроўкі, разлічаная на студэнтаў тэхнічнай адукацыі (з БДУ і БДУІР).

SoftClub набірае студэнтаў у некалькіх напрамках: тэсціраванне софту, бізнэс-аналіз, распрацоўка софту. Стажыроўка доўжыцца 3 месяцы, за гэты час спецыяліст зможа ўзяць удзел у найбуйнейшых праектах. Пры паспяховым праходжанні стажыроўкі кампанія гатовая прапанаваць працаўладкаванне.

Сістэмныя тэхналогіі

На сайце кампаніі размешчана 8 вакансій, адна з іх — для бізнэс-аналітыка Junior++. 

Кампанія шукае спецыяліста, які будзе займацца сістэмай дыстанцыйнага банкаўскага абслугоўвання для юрыдычных асоб (web і mobile версіі). Праект знаходзіцца на стадыі падтрымкі. Задачамі спецыяліста будзе развіццё прадукту і падтрымка бягучай функцыянальнасці.