Кампанія Маска выклала зыходны код саркастычнага чат-бота Grok

Распрацоўшчыкі раскрылі вагу і архітэктуру мадэлі Grok-1. Яна налічвае 314 млрд параметраў і была створаная спецыялістамі xAI з нуля. Навучанне мадэлі завяршылася ў кастрычніку 2023 года. Яе не «заточвалі» пад нейкае канкрэтнае прымяненне, напрыклад, для дыялогаў.

Код распаўсюджваецца па ліцэнзіі Apache License 2.0, якая дапускае выкарыстанне ў камерцыйных мэтах. Але навучальных даных кампанія не выкладвала.

Grok быў запушчаны ў мінулым лістападзе. Ён пазіцыянаваўся як больш свабодны ў камунікацыі канкурэнт чат-ботаў накшталт ChatGPT, што адказвае на пытанні, якіх іншыя імкнуцца пазбягаць.