Буйнейшы вытворца чыпаў у свеце пачаў вырабляць... мёд
Тайваньская кампанія TSMC — найбуйнейшы па аб’ёме выручкі кантрактны вытворца чыпаў — пачала выпускаць фірмовы мёд, піша Tom’s Hardware. Ён быў прадстаўлены ў мінулую пятніцу на выставе Asia Pacific Sustainability Expo — Co-Prosperity x Growth Forum.
Вытворчасць мёду стала магчымай дзякуючы намаганням кампаніі па аднаўленні расліннасці вакол заводаў і ўмацаванні экалагічнай устойлівасці гэтых раёнаў. У выніку сюды вярнуліся пчолы. А яшчэ светлячкі, якія вельмі прыдзірлівыя ў пытанні асяроддзя пражывання — яны пасяліліся проста на тэрыторыі заводаў TSMC. Гэта сведчыць аб аднаўленні прыроднага балансу вакол фабрык чыпмейкера, адзначае выданне.
Салодкі ласунак выпускаецца пад брэндам Ji Mi сумесна з лакальнымі пчалаводамі і спецыялістамі Дунхайскага ўніверсітэта. У асартыменце некалькі смакаў у залежнасці ад флоры вакол фабрык.
Читать на dev.by