Найбуйнейшы пасяўны раўнд Даліны: стартап экс-СТО OpenAI прыцягнуў $2 млрд за ідэю

Як адзначае выданне, гэта рэкордная сума, якую на пасяўной стадыі калі-небудзь атрымлівалі стартапы Крамянёвай даліны. Гэта пры тым, што Thinking Machines яшчэ не мае прадукту і нават як след не патлумачыў, над чым працуе. Толькі ў лютым паведаміў, што будзе займацца ШІ-даследаваннямі і ствараць прадукты, якія зробяць ШІ больш даступным — «больш зразумелым, наладжвальнымі і здольным». Інвестары ўкладваюцца ў імя і рэпутацыю Мураці, кажуць суразмоўцы выдання. Раўнд узначаліў венчурны фонд Andreessen Horowitz, таксама ўдзельнічаў фонд Conviction Partners.

Мураці 36 гадоў. У мінулым верасні яна пайшла з OpenAI, дзе працавала над ChatGPT і генератарам малюнкаў Dall-E. Таксама яна працавала над Model X у Tesla ў якасці старэйшага прадакт-менеджара. Калі ў лістападзе 2023 года СЕО OpenAI Сэм Альтман быў адпраўлены ў кароткатэрміновую адстаўку, Мураці заняла яго месца. Яна была сярод топ-менеджараў, у якіх былі пытанні да таго, як ён кіруе кампаніяй.

Thinking Machines перацягнуў некалькі супрацоўнікаў OpenAI, уключаючы сузаснавальніка Джона Шульмана, экс-кіраўніка спецпраектаў Джанатана Лахмана, таксама былых віцэ-прэзідэнтаў Барэта Зофа і Ліліян Венг. Адзін інвестар адзначыў, што колькасць выбітных фаўндараў і неверагодна разумных людзей вельмі абмежаваная, і Мураці ўдалося сабраць каманду, якая ўражвае.