«Выкладчык гугліў простыя рашэнні». ІТ-курсы, пра якія шкадуюць айцішнікі

Дысклэймер: асцярожна, гэта суб’ектыўныя водгукі! 

«Выкладчык не пісаў на Java больш за 6 гадоў»

— Я вучыўся на курсах двойчы, спачатку — у TechMeScills, гэта было 2 гады таму. Прайшоў палову — і кінуў. Бывалі моманты, калі наш выкладчык гугліў простыя рашэнні. Выявілася, ён не пісаў на Java больш за 6 гадоў, хаця прыйшоў выкладаць гэтую мову. Інфармацыю ён таксама даносіў даволі слаба. 

Затым я ўзяў гадавы курс у Акадэміі «Крок» — і завяршыў яго ў кастрычніку 2021 года. Вось гэта быў топчык, у асноўным праз выкладчыка. Ён адразу сказаў: калі вы імкнецеся вучыцца — ён і спасылкі дасць, і інфармацыяй падзеліцца. А вось калі спадзяецеся на лёгкі старт, то такога не будзе.

Працу я таксама знайшоў дзякуючы «Кроку» — мяне параілі эйчарцы маёй цяперашняй кампаніі. Тая патэлефанавала — прапанавала прайсці сумоўе. Я шчыра папярэдзіў, што мушу дапрацаваць да 31 снежня перш, чым звольнюся, і мяне нават пачакалі — працаваць я на гэтым месцы пачаў ад 3 студзеня.

«Са слайдаў не паклапаціліся прыбраць капірайты іншых сайтаў»

— Больш як 5 гадоў таму, калі я яшчэ вучыўся ў ГДУ ім. Ф. Скарыны, Кампанія IBA Gomel вяла на базе маёй ВНУ свае QA-курсы. Навучанне доўжылася каля месяца і каштавала каля 50 рублёў.

На першай жа лекцыі нас «парадавалі»: QA-інжынераў яны ў штат не набіраюць, хаця ўсе мы наіўна спадзяваліся. На лекцыях нам дэманстравалі слайды, з якіх ніхто нават не паклапаціўся прыбраць спасылкі і капірайты іншых сайтаў. Нам пераказвалі ўсё тое, што можна было знайсці ў інтэрнэце — бясплатна. Але цяпер я гэта разумею, а тады здавалася, што мы спазнаем дзэн.

Практыкі ў нас не было ніякай. У фінале мы проста напісалі тэст і атрымалі віртуальнае: «Малайчына!» Адзін плюс ад гэтага навучання: я заплаціў 50 рублёў, каб зразумець, што QA-кірунак мне не цікавы.

«Выкладчык забіваў на праверку хатніх заданняў»

— Шкадую, што праходзіў курс па праграмаванні на Python ў TeachMeSkills. Наш выкладчык забіваў на праверку хатніх заданняў. Зваротнай сувязі не было ніякай. А некаторых тэм ён не мог растлумачыць.

На просьбу слухачоў выкладчыка замянілі, але мы страцілі некалькі месяцаў. У выніку курс расцягнуўся на паўгода. Многія тэмы разглядаліся павярхоўна альбо наогул не разглядаліся. З 14 чалавек у групе ў кампаніі працаўладкаваліся толькі двое, але яны ўжо прыйшлі на курсы з нядрэннымі ведамі. 

«Практычны занятак па вёрстцы — і нам дыктуюць, што рабіць»

— Каля 10 гадоў таму і ў мяне быў няўдалы досвед. Я пачаў з саманавучання, а потым пайшоў на курсы па HTML-вёрстцы ў Belhard.
Курс уключаў у сябе 3 блокі: Photoshop, Flash-анімацыю і ўласна вёрстку. І калі на занятках па Photoshop нам давалі хоць нешта карыснае — мы макет наразалі, нешта простае самі стваралі, то Flash і вёрстка наогул міма.

Уявіце: практычны занятак па вёрстцы — і нам дыктуюць, што рабіць. Гэты курс не даў мне нічога новага. З профіту — з нацяжкай можна сказаць, што крыху дапамог сістэматызаваць усё тое, чаму я раней навучыўся сам. Але хутчэй гэта грошы на вецер.

«Плюсік: „Залік ёсць“, — але ні рэкамендацый, ні парад»

— Хачу расказаць пра курс Яна Агеенкі, які я праходзіла ў 2020 годзе — Ян тады ўжо не працаваў у ІТ-акадэміі, вёў заняткі ад сябе.
Я старанна падышла да выбару, папярэдне сабрала водгукі пра курсы. Але была ў выніку расчараваная навучаннем. Курс Яна доўжыўся 3 месяцы. Меркавалася, што мы будзем вывучаць штосьці самастойна па яго матэрыялах, рабіць хатнія, а на сустрэчах з групай ён будзе гэтыя хатнія правяраць і даваць новыя.

Падчас такіх праверак я кожны раз чула: «Добра, залік ёсць», — і ўсё. Выкладчык ставіў плюсік насупраць майго прозвішча ў таблічцы ў Ехсel, але не даваў ні рэкамендацый, ні парад, як выправіць памылкі (а яны там былі — я нават спецыяльна іх рабіла, дзеля эксперымента). Калі я спытала, як ён можа залічваць такое відавочнае г… ён адказаў: «Гэта нармальна, калі дызайнеру не падабаецца яго праца» — і больш нічога не пракаментаваў.

Інфармацыя нам давалася вельмі павярхоўна, я б параўнала яе з пясчынкай у пустыні. На курсе Яна я не дазналася нічога новага — абсалютна, можна было запісацца на самыя танныя курсы, а то і зусім бясплатныя, і было б тое ж самае. Вельмі шкада выкінутых грошай. Ну і ніякіх прац, зробленых на курсах, я ў партфоліо не дадавала.

10 дыпломаў, пра якія шкадуюць айцішнікі (з іх 6 — у аднаго чалавека!)

Па тэме

10 дыпломаў, пра якія шкадуюць айцішнікі (з іх 6 — у аднаго чалавека!)

Топ-10 універсітэцкіх спецыяльнасцей, наконт якіх выпускнікі шкадуюць больш за ўсё. І яшчэ 10, якім аддалі б перавагу замест гэтага

Па тэме

Топ-10 універсітэцкіх спецыяльнасцей, наконт якіх выпускнікі шкадуюць больш за ўсё. І яшчэ 10, якім аддалі б перавагу замест гэтага

Ці варта вучыцца на QA за $1300+ на год — досвед чалавека, які сышоў з дзяржслужбы

Па тэме

Ці варта вучыцца на QA за $1300+ на год — досвед чалавека, які сышоў з дзяржслужбы