«Бацька індыйскага ІТ»: выходныя — гэта памылка

Мурці сцвярджае, са спасылкай на салідарных з ім калег, што Індыя — бедная краіна, і ёй трэба працаваць, каб палепшыць сітуацыю. А баланс можа пачакаць. Ён назваў узорам прэм’ер-міністра краіны Нарэндру Модзі — сапраўднага працаголіка, які вашуе па 100 гадзін на тыдзень. А тыя, хто не робіць гэтак жа сама, не цэняць гэтай працы, заявіў прадпрымальнік.

«Калі шчыра, я трохі знерваваўся, калі ў 1986 годзе мы перайшлі з 6-дзённага працоўнага тыдня на 5-дзённы», — прызнаўся Мурці. Ён дадаў, што індыйцы «мусяць працаваць вельмі старанна, бо руплівай працы не заменіць нішто, нават калі вы самы разумны».

Мурці прызнаўся, што сам да выхаду на пенсію працаваў па 6,5 дзён на тыдзень — звычайна па 14 гадзін 10 хвілін на дзень, ад 6:20 раніцы да 8:30 вечара.

Упершыню мільярдэр і цесць былога прэм’ер-міністра Вялікабрытаніі Рышы Сунака агучыў сваё непапулярнае меркаванне наконт таго, колькі мусяць працаваць яго суайчыннікі, летась. Падтрымліваюць яго далёка не ўсе — некаторыя дапускаюць, што працаваць на знос нармальна, калі ў цябе ўласная кампанія, але не для наёмных супрацоўнікаў. Прычым па законе працоўны дзень у Індыі абмежаваны 8 гадзінамі.

У каментарах пад фрагментам інтэрв’ю з Мурці ў Х адзін з былых супрацоўнікаў Infosys параўнаў яго з сярэднявечнымі магнатамі-эксплуататарамі, у якіх 8-гадзінны дзень даводзілася вырываць зубамі.

Нядаўна стала вядома, што кампанія наймала студэнтаў на неаплачваныя стажыроўкі, абяцаючы працаўладкаванне, але не наймала.