Аддзел навін 25 мая 2024, 15:14

Ледзяная паніка: экс-гуглер расказаў, што рухае Google у распрацоўцы АІ

Google — адзін з галоўных гульцоў у АІ-сферы. Але, паводле слоў аднаго з супрацоўнікаў, распрацоўкай тэхналогіі ў кампаніі рухае не клопат пра карыстальнікаў, а жудасны страх застацца ззаду.

4 каментарыя

Ледзяная паніка: экс-гуглер расказаў, што рухае Google у распрацоўцы АІ

Google — адзін з галоўных гульцоў у АІ-сферы. Але, паводле слоў аднаго з супрацоўнікаў, распрацоўкай тэхналогіі ў кампаніі рухае не клопат пра карыстальнікаў, а жудасны страх застацца ззаду.

«Матывацыя на „АІ-праектах“, на якіх я працаваў, была нізкай, і яны падаграваліся панікай, што калі ў [праекце] ёсць „АІ“, ён стрэліць. Крыніца гэтай блізарукасці — не патрэба карыстальнікаў, а ледзяная паніка, што яны адстаюць», — напісаў у сваім LinkedIn Скот Джэнсан, які займаў у Google пасаду старэйшага UX-інжынера і звольніўся ў сакавіку пасля 16 гадоў працы ў розных падраздзяленнях. Сваё меркаванне ён вырашыў выказаць ад расчаравання галіной у цэлым і падыходам да АІ у ёй.

Паводле яго слоў, у кампаніі разлічваюць на з’яўленне прадукту, які так моцна зацягне карыстальнікаў у яе экасістэму, што яны не змогуць яе пакінуць. Такое бачанне заганнае і паказвае, што ў Google баяцца саступіць канкурэнтам.

Як адзначае Джэнсан, Google не ўпершыню паддаецца страху перад абліччам новых супернікаў. Менавіта гэта адбылося 13 гадоў таму з Google+, і Джэнсан назіраў гэта фіяска знутры. Гэта была рэакцыя кампаніі на Facebook. Сацсетка закрылася ў 2019 годзе.

Экс-супрацоўнік Google дадае, што не толькі яна здзяйсняе гэтую памылку: «Дарэчы, у Apple тое ж самае. Там таксама спрабавалі стварыць АІ-пастку з дапамогай Siri. Калі кароль голы, яго абыдзе хтосьці, хто думае маштабней». Джэнсан працаваў UI-дызайнерам у куперцінскай кампаніі на працягу 8 гадоў.