LinkedIn дасягнуў 1 млрд карыстальнікаў, запусціў АІ-коўча для суіскальнікаў
LinkedIn анансаваў новага чат-бота на аснове генератыўнага штучнага інтэлекту, піша CNBC. Рэліз прымеркаваны да важнага дасягнення: аўдыторыя дзелавой сацсеткі перавысіла 1 млрд чалавек.
«Коўч для суіскальнікаў», пабудаваны на базе GPT-4, дапаможа кандыдатам вызначыць, ці варта марнаваць час на тую ці іншую вакансію. Карыстальнік зможа, напрыклад, спытаць чат-бота, ці падыходзіць на вакансію і як лепш сябе паднесці. Ён прааналізуе профіль і досвед карыстальніка і вынесе аргументаваны вердыкт. А таксама пакажа на прабелы ў досведзе, якія могуць перашкодзіць у барацьбе за пазіцыю.
Акрамя таго, можна будзе спытаць, хто працуе ў кампаніі, і чат-бот дашле некалькі профіляў супрацоўнікаў — патэнцыйна кантактаў другога-трэцяга ўзроўняў, — якім можна будзе напісаць наконт вакансіі. Прычым тэкст ліста таксама можна будзе скласці з дапамогай АІ.
Новая АІ-функцыя прызначаная для ўладальнікаў прэміяльнай падпіскі і некаторым ужо стала даступная.
Читать на dev.by