У Melsoft і Apalon касмічныя зарплаты ў лютым (але гэта не заўсёды падстава для зайздрасці)

У большасці ІТ-кампаній з беларускімі каранямі ў Літве апошнія тры месяцы не было сур’ёзных зарплатных перападаў. Сярэдні заробак брута вагаецца ў межах 3,5-5,5 тысяч еўра. Але для некаторых кампаній люты выявіўся анамальным.

Лідарам па ўзроўні сярэдняй зарплаты стаў гейдмэў-распрацоўшчык Melsoft. За мінулы месяц заробак брута па кампаніі склаў амаль 18 тысяч еўра (брута) — у 3-8 разоў вышэйшы, чым у іншых кампаній з беларускімі каранямі. Для Melsoft гэта таксама рэкорд за апошнія месяцы. У снежні 2023 года і студзені гэтага года сярэдні заробак па кампаніі не перавысіў планкі 6,3 тысячы еўра.

Верагодна, анамальны рост сярэдняй зарплаты — следства выплат супрацоўнікам гадавых бонусаў. Падобная сітуацыя была ў сакавіку мінулага года. Тады Melsoft таксама выявілася лідарам зарплатнага рэйтынгу: сярэдні заробак па кампаніі вырас ад 5 тысяч еўра да 13,5 тысячы еўра (брута).

На другім месцы ў зарплатным лютаўскім рэйтынгу яшчэ адзін мабільны распрацоўшчык Apalon. За мінулы месяц сярэдні заробак брута па кампаніі склаў амаль 13,4 тысячы еўра (брута) — у тры разы вышэйшы, чым у папярэднія два месяцы. Без уліку такіх анамалій Apalon па ўзроўні сярэдняй зарплаты сярод ІТ-кампаній з беларускімі каранямі знаходзіцца ў канцы топ-10. 

Рэзкі рост сярэдняй зарплаты, верагодна, звязаны не толькі і не столькі з бонусамі, колькі з продажам інтэлектуальнай уласнасці Apalon італьянскай Bending Spoons. У сувязі з угодай Apalon на працягу лютага-сакавіка збіраўся звольніць каманду ва ўсіх лакацыях з выходнай дапамогай. 

У лютаўскі топ-3 таксама трапіў распрацоўшчык праграмы для жаночага здароўя Flo. Але на фоне Melsoft і Apalon сярэдні заробак па кампаніі выглядае сціпла — 5,8 тысячы еўра (брута).