Літва можа адкрыць мяжу да 30 лістапада — літоўскі МЗС

«Я лічу, што мы павінны кіравацца тымі ж прычынамі і параметрамі, па якіх прымаліся рашэнні. Думаю, што гэта варта разгледзець», — адказаў ён на пытанне, ці могуць памежныя пераходы быць адкрыты раней прызначанай даты.

«Мы глядзім, што адбываецца ў небе і на зямлі, функцыянуем мы ці не. Задача ніколі не заключалася ў тым, каб дасягнуць нечага да пэўнай даты або ставіць нейкія асаблівыя мэты. Мэта — прадухіліць гібрыдныя атакі, учыненыя супраць нас, каб рэжым змяніў свае паводзіны», — цытуе Будрыса партал LRT.

Міністр дадаў, што зараз літоўцы «кантралююць» сітуацыю, нават калі ўмовы надвор’я спрыяльныя для запуску паветраных шароў з цыгарэтамі з Беларусі. «У тым сэнсе, што нашы аэрапорты функцыянуюць», — патлумачыў ён.

Нагадаем, літоўскі кабмін вырашыў зачыніць пункты Мядзінінкай і Шальчынінкай на мяжы з Беларуссю (з некаторымі выключэннямі) у канцы кастрычніка на тэрмін да 30 лістапада. Такія меры былі прынятыя з-за пагрозы, якую нясуць для грамадзянскай авіяцыі кантрабандныя метэазонды. У адказ Мінск забараніў літоўскім грузавікам, якія знаходзяцца на тэрыторыі Беларусі, вяртацца ў Літву, пакуль мяжа не будзе адкрыта. Фуры перамешчаны на спецыяльныя платныя стаянкі.