У 2 гадзіны ночы 17 лістапада Дзяржпагранкамітэт паведаміў аб аднаўленні руху праз пункты пропуску Брузгі (Кузніца) і Бераставіца (Баброўнікі). Да гэтага, каля поўначы, у тэлеграме ведамства з’явіліся кадры, як на Бераставіцу заязджае першае аўта, а праз гадзіну — відэа з першым прыехаўшым з польскага боку.
У 2 гадзіны ночы 17 лістапада Дзяржпагранкамітэт паведаміў аб аднаўленні руху праз пункты пропуску Брузгі (Кузніца) і Бераставіца (Баброўнікі). Да гэтага, каля поўначы, у тэлеграме ведамства з’явіліся кадры, як на Бераставіцу заязджае першае аўта, а праз гадзіну — відэа з першым прыехаўшым з польскага боку.
Кіроўцы маглі зарэгістраваць свае транспартныя сродкі ў электроннай чарзе з 20 гадзін 16 лістапада. Праз Брузгі пакуль прапускаюць толькі легкавыя аўта і матацыклы, праз Бераставіцу — легкавушкі, аўтобусы і грузавікі з Еўропы.
На момант адкрыцця на двух пагранпераходах у сістэме налічвалася больш за 120 грузавікоў і легкавушак і тры аўтобусы. Па стане на 10 гадзін раніцы жадаючых выехаць з Беларусі тут не было. У чарзе на пагранпункце Брэст выезду чакала каля 1,5 тысяч аўта і 75 аўтобусаў.
Сутачная прапускная здольнасць Бераставіцы складае 900 легкавых і 500 грузавых аўта ў адным напрамку. Праз Брузгі можа праязджаць 1600 легкавушак і 580 фур у дзень. У ДПК адзначаюць, што «грамадзяне дзеляцца пазітыўнымі эмоцыямі і радыя магчымасці перасекчы беларуска-польскую мяжу без працяглага чакання».
Напярэдадні адкрыцця ў ДМК расказалі, што час прастою выкарысталі для рэканструкцыі Бераставіцы. Там пабудавалі асобны канал руху для аўтобусаў на выездзе, аўтобусную залу афармлення і вагагабарытны комплекс. Таксама былі мадэрнізаваны Брузгі — тут зрабілі больш палос для руху ў абодва бакі, даставілі дагляднаю тэхніку з закрытага для руху ўчастка мытнай мяжы — два перабазаваныя сканеры для машын і багажу.
Нагадаем, пра планы Польшчы адкрыць яшчэ два пагранпераходы 17 лістапада стала вядома 28 кастрычніка. Гэтая інфармацыя была афіцыйна пацверджана ў канцы мінулага тыдня.
Кузніцу польскі бок вырашыў закрыць 9 лістапада 2021 года, калі на мяжы ўзнік стыхійны лагер мігрантаў. Баброўнікі напаткаў той жа лёс 10 лютага 2023 года пасля асуджэння ў Беларусі актывіста Анджэя Пачобута.
Цяпер на беларуска-польскай мяжы таксама працуюць пункты пропуску Казловічы (Кукурыкі) — для грузавога транспарту і Брэст (Тэрэспаль), праз якія можна праехаць на легкавым аўта ці аўтобусе. Застаюцца закрытыя пункты Дамачава і Пясчатка.
Релоцировались? Теперь вы можете комментировать без верификации аккаунта.
Почему туда не едут из Бреста? В чём причины кроме расстояния?