Алеся Чапкевич bel 12 верасня 2025, 12:59

Літва часова дазволіла ўезд аўтамабілям з беларускімі нумарамі

Літва дазволіла перасякаць сваю мяжу аўтамабілям з беларускімі нумарамі, пакуль з-за ваенных вучэнняў будуць зачыненыя пункты пропуску паміж Беларуссю і Польшчай. Пра гэта без указання крыніцы інфармацыі паведамляе транспартна-лагістычны партал Infotrans.

5 каментарыяў

Літва дазволіла перасякаць сваю мяжу аўтамабілям з беларускімі нумарамі, пакуль з-за ваенных вучэнняў будуць зачыненыя пункты пропуску паміж Беларуссю і Польшчай. Пра гэта без указання крыніцы інфармацыі паведамляе транспартна-лагістычны партал Infotrans.

Аднак хуткасць пропуску легкавікоў будзе невысокай — 200-300 машын у суткі на Мядзіненкае і Шальчыненкае, адзначаецца ў пасце.

Абмежаванні на ўезд у Літву на аўтамабілях, зарэгістраваных у Беларусі, пачалі дзейнічаць у лютым. Праехаць у балтыйскую краіну аўтамабіль можа пры шэрагу ўмоў:

ён не прызначаны для продажу, належыць грамадзяніну Беларусі з літоўскай візай/ВНЖ/ПМЖ, які сам кіруе ім і выкарыстоўвае толькі ў асабістых мэтах;
ён не прызначаны для продажу, належыць грамадзяніну краіны ЕС, які пражывае ў Беларусі і кіруе ім у асабістых мэтах.

Гэта значыць, напрыклад, беларусы з польскай візай ці ВНЖ не могуць ездзіць у/праз Літву.

Яшчэ да Літвы прапускаць аўта з беларускімі нумарамі перастала Латвія.