Амаль траціна амерыканцаў не хоча будаваць адносіны з карыстальнікамі Android

Каля 22% карыстальнікаў iPhone пагарджаюць тымі, хто адпраўляе паведамленні не праз iMessage, а амаль 23% карыстальнікаў iPhone прызналіся, што адмовіліся б ад спаткання, даведаўшыся, што патэнцыйны партнёр карыстаецца Android.

31% рэспандэнтаў мужчынскага полу схільны адпрэчваць карыстальнікаў Android, а сярод жанчын гэты паказчык склаў 16%.

Для ўладальнікаў Android пагарда «яблычных» карыстальнікаў не навіна. 52% карыстальнікаў Android сутыкаліся з насмешкамі праз свае гаджаты, а 36% — з моцным асуджэннем.

26% прызналіся, што саромеюцца сваіх Android-прылад, а 30% нават гатовыя перайсці ў іншы «лагер», каб з іх перасталі здзекавацца.

Паводле звестак StatCounter, на iOS прыпадае 57% мабільнага рынку ЗША, а на Android — 42%.