CEO OpenAI патлумачыў, чаму не звяртае ўвагі на ўзрост пры найманні

«Без вопыту не абавязкова азначае не каштоўны», — лічыць Альтман. Ён дадаў, што цалкам апраўдана наймаць маладых, але з вялікім патэнцыялам людзей на пачатку іх кар’еры, паколькі яны могуць выявіцца вельмі карыснымі. У той жа час прадпрымальнік не стаў бы давяраць неспрактыкаваным пачаткоўцам адказную працу накшталт праектавання складаных і дарагіх сістэм.

Таксама ён лічыць, што ў кампаніі маюць быць супрацоўнікі розных узростаў. «Стратэгія наймаць толькі маладзейшых людзей або толькі старэйшых памылковая», — кажа Альтман.

Пры гэтым, адзначае Business Insider, некаторыя ўзроставыя ІТ-спецыялісты скардзяцца на эйджызм. Напрыклад, на тое, што ў іх вышэйшая рызыка патрапіць пад скарачэнні або што іх ужо выціснулі з іх айцішных пазіцый. Ад звязаных з узростам стэрэатыпаў на працы пакутуюць і зумеры. Некаторым праз маладосць адмаўляюць у павышэнні.