Кіраўнік Нацыянальнай акадэміі навук Беларусі Уладзімір Каранік не выключае магчымасці стварэння сумеснай ШІ-мадэлі беларускіх і расейскіх навукоўцаў. Пра гэта ён паведаміў сёння перад сумесным пасяджэннем прэзідыумаў НАН Беларусі і РАН.
Кіраўнік Нацыянальнай акадэміі навук Беларусі Уладзімір Каранік не выключае магчымасці стварэння сумеснай ШІ-мадэлі беларускіх і расейскіх навукоўцаў. Пра гэта ён паведаміў сёння перад сумесным пасяджэннем прэзідыумаў НАН Беларусі і РАН.
Паводле яго, навукоўцы дзвюх краін распрацоўваюць ШІ-рашэнні, абменьваюцца вынікамі, але не спрабуюць канкурыраваць з вядомымі мадэлямі. Галоўная мэта — практычнае прымяненне.
«Штучны інтэлект — у прыватнасці, практычныя моўныя мадэлі, якія будуць выкарыстоўвацца ў дызайне, інжынерных праектах, машынабудаванні і аналізе вялікіх дадзеных. Мы засяроджваемся на распрацоўцы практычных рашэнняў на базе open-source. І ў гэтым кірунку вядзецца актыўная работа. Не выключаю, што з часам з’явіцца ўласная моўная мадэль, створаная сумесна з расейскімі і беларускімі навукоўцамі», — цытуе Караніка БЕЛТА.
Ён дадаў, што перад навукоўцамі абедзвюх краінаў стаіць задача забяспечыць тэхналагічны суверэнітэт.
«Плануем наладзіць вытворчасць мікраэлектронікі на нашай тэрыторыі для забеспячэння тэхналагічных працэсаў — ад абсталявання да касмічных і авіяцыйных даследаванняў. Працуем у некалькіх напрамках: развіццё кампетэнцый для авалодання новымі тэхналагічнымі працэсамі, вытворчасць спецыялізаваных лазераў, фотарэзістаў і малатанажнай зверхчыстай хіміі. Лічу, што ў бліжэйшыя гады зможам забяспечыць крытычныя тэхналогіі нашых краінаў неабходным абсталяваннем і мікрачыпамі», — сказаў ён.
Релоцировались? Теперь вы можете комментировать без верификации аккаунта.