«Людзі проста хочуць працаваць з 9 да 5»: інжынер напісаў «сумленны пост» пра ШІ на працы

Раад, распрацоўшчык OpenAuth і OpenCode, сцвярджае, што галоўная праблема кампаній — не хуткасць напісання коду, а адсутнасць якасных ідэй і сістэмныя абмежаванні ўнутры арганізацый. «Ваша арганізацыя рэдка мае добрыя ідэі. Тое, што іх было дорага рэалізоўваць, на самай справе дапамагала», — напісаў ён у X.

everyone’s talking about their teams like they were at the peak of efficiency and bottlenecked by ability to produce code

here’s what things actually look like

— your org rarely has good ideas. ideas being expensive to implement was actually helping

— majority of workers have…

— dax (@thdxr) February 14, 2026

На яго думку, укараненне ШІ-інструментаў не робіць каманды аўтаматычна эфектыўнейшымі. Большасць супрацоўнікаў, лічыць інжынер, не імкнуцца «выціскаць максімум», а хочуць проста адпрацаваць «з 9 да 5». У выніку ШІ можа выкарыстоўвацца не для прарыву, а для эканоміі намаганняў: «яны выкарыстоўваюць яго, каб штампаваць задачы з меншымі затратамі энергіі».

Гэта, паводле Раада, прыводзіць да падзення якасці кода і выгарання найбольш матываваных супрацоўнікаў: «два чалавекі ў вашай камандзе, якія сапраўды стараліся, цяпер тонуць у „slop-кодзе“, які ўсе вырабляюць, і хутка звольняцца».

Ён таксама звяртае ўвагу на рост выдаткаў: аснашчэнне інжынераў ШІ-інструментамі і аплата LLM-токенаў павялічваюць выдаткі. «Ваш CFO пытаецца: што значыць кожны інжынер цяпер каштуе на $2000 у месяц даражэй з-за рахункаў за LLM?» — іранізуе Раад.

Пры гэтым распрацоўшчык указвае, што не выступае супраць ШІ як такога. «Людзі не разумеюць, як я магу крытыкаваць ШІ і пры гэтым ствараць ШІ-інструмент», — напісаў ён у іншым допісе. «Я стаміўся ад адчування, што цяпер усё стане лягчэй. Не стане. Мая праца такая ж складаная, як і раней. Але менавіта ў гэтым і ёсць сэнс», — дадаў ён.

Раней праграмісты выказваліся, што інструменты, закліканыя эканоміць час, на практыцы павялічваюць кагнітыўную нагрузку. Былы інжынер Amazon і Google Стыў Еге нават прапанаваў абмежаваць выкарыстанне ШІ-асістэнтаў трыма гадзінамі ў дзень, інакш «працоўная сіла можа проста рассыпацца».

Як ШІ ўплывае на прадукцыйнасць і працоўныя месцы ў Еўропе

Па тэме

Як ШІ ўплывае на прадукцыйнасць і працоўныя месцы ў Еўропе

Псіхіятры апісалі новы сіндром — страх страціць працу з-за ШІ

Па тэме

Псіхіятры апісалі новы сіндром — страх страціць працу з-за ШІ

Павышае ШІ прадукцыйнасць? Эканамісты ўсё яшчэ спрачаюцца

Па тэме

Павышае ШІ прадукцыйнасць? Эканамісты ўсё яшчэ спрачаюцца