Лукашэнка падпісаў указ, які павінен палепшыць сотавую сувязь

У паведамленні прэс-службы палітыка сказана, што дакумент накіраваны на развіццё інфраструктуры сетак электрасувязі, укараненне новых тэхналогій, павышэнне якасці і даступнасці паслуг, якія аказваюцца.

Указ прадугледжвае стварэнне ўмоў для спрашчэння будаўніцтва і абслугоўвання аб’ектаў сотавай рухомай электрасувязі, інжынернай і транспартнай інфраструктуры, неабходнай для іх функцыянавання. Таксама вызначаюцца асаблівасці прыёмкі такіх аб’ектаў у эксплуатацыю.

У маі стала вядома, што ўжо ў гэтым годзе на тэрыторыі краіны — у Мінску — з’явяцца першыя зоны з пакрыццём 5G.

Пры гэтым ужо некалькі месяцаў у Беларусі назіраецца пагаршэнне мабільнага інтэрнэту і мабільнай сувязі ў цэлым.