Таксі-стартап Lyft абвясціў пра скарачэнне каманды амаль на чвэрць — ён звольніць 1072 супрацоўнікі, піша CNBC.
Звальненні ўжо закранулі і мінскі офіс, даведаўся devby.io. У лістападзе 2019 года Lyft набыў каманду, якая раней працавала над сэрвісам Juno у Мінску, — на той момант 99 чалавек.
Згодна з дакументамі, пададзенымі кампаніяй у Камісію па каштоўных паперах і біржах ЗША, працу страцяць 1072 чалавекі — гэта 26% каманды. Таксама кампанія закрые 250 адкрытых вакансій. Паводле інфармацыі The Wall Street Journal, такім чынам Lyft плануе знізіць выдаткі на 50%.
У кампаніі працуе каля 4000 супрацоўнікаў, і ў лістападзе 2022 года яна ўжо скараціла каманду на 13%. Выходныя дапамогі ды іншыя кампенсацыі абыдуцца таксі-стартапу ў $41-47 млн.
Мы пагутарылі з некалькімі супрацоўнікамі мінскага Lyft, — яны пацвердзілі, што ўчора ў офісе прайшлі звальненні.
— Некалькі тыдняў таму прыйшоў новы СЕО Дэвід Рышэр і сказаў, што тэма лэйофа «лунае ў паветры» — але ніякай канкрэтыкі. У пятніцу 21 красавіка ён зрабіў рассылку на ўсю кампанію і паведаміў, што лэйоф будзе ў наступны чацвер — 27 красавіка: «вы атрымаеце ліст з інфармацыяй, ці застаяцеся, ці не», — расказаў чытач.
У менеджараў ніякай інфармацыі не было, супрацоўнікі сталі рыхтавацца на ўсялякі выпадак: хтосьці збіраў докі, фіналізаваў код. У нас былі сустрэчы, на якіх абмяркоўвалі статус праектаў і як іх рухаць далей, «калі што».
Чытач кажа, што, паводле ягоных суб’ектыўных ацэнак, звольнілі «некалькі дзясяткаў» беларусаў — у Беларусі і ў Польшчы. (Паводле даных лінкедзіна, 150+ супрацоўнікаў Lyft адзначылі беларускую лакацыю, 70+ — польскую, але гэтыя даныя могуць не адлюстроўваць актуальных памераў каманд. — Заўв.)
Згодна з дамоўленасцямі, удакладняе суразмоўца, «тым, каго звольнілі, аплацяць 10 тыдняў плюс медстрахаванне да кастрычніка».
Яшчэ адзін чытач заўважыў, што напярэдадні ў яго стужцы ў лінкедзіне аднамомантна адлюстравалася адразу некалькі пастоў ад супрацоўнікаў Lyft з просьбай аб дапамозе ў пошуку працы.
Ва ўкраінскім офісе, паводле інфармацыі DOU, скарачаюць 40 спецыялістаў, а ўсяго там працуе каля 200 супрацоўнікаў.
devby.io паспрабаваў даведацца пра скарачэнні ў мінскай камандзе Lyft у ейнага кіраўніка Аляксея Мінкевіча. Ён рэкамендаваў звярнуцца да прэс-службы ў ЗША. Ад іх мы атрымалі ліст з абяцаннем неўзабаве «вярнуцца з адказам».
Нагадаем, што ў лістападзе 2019 года Lyft набыў каманду, якая раней працавала над сэрвісам Juno ў Мінску, — на той момант 99 чалавек.
Таксі-стартап Juno запусцілі стваральнікі Viber Ігар Магазінік і Тальман Марка праз год пасля продажу месенджара — у 2015 годзе. На той момант ён пазіцыянаваўся як сакрэтны праект, які «зменіць свет», — фішкай таксі-стартапа былі апцыёны для кіроўцаў.
У красавіку 2017 года сэрвіс купіла Gett, сума ўгоды склала $200 млн. У 2018 годзе кампанія вырашыла прадаць Juno і пакінуць амерыканскі рынак, пра што паведамлялі розныя СМІ. Crain’s New York Business, спасылаючыся на сваю крыніцу, напісаў, што Juno прадаецца «па намінальнай цане» і губляе «мільёне долараў на дзень».
Рэлацыраваліся? Цяпер вы можаце каментаваць без верыфікацыі акаўнта.
Это тот чудо-стартап, где какой-то скрам-мастер хотел змагарам кишки выпустить?
Этого не может быть сэр, Если бы это было правдой никто бы из белорусов не стал бы с ними работать, Или приходили бы только для того чтобы нагадить им.
)))
как зовут героя? хотим нанять хулибук програмировать на горизонт
Это тот чудо-стартап, где собесятся в кафе и несут полную чушь, с выдачей тестового задания как куска текущей работы?)
Жаль, я помню у Juno была толковая техническая команда и Минкевич как менеджер - крутой чувак
"фишкой такси-стартапа были опционы для водителей"
которых потом филигранно "кинули" мироизменятели