Машыннае навучанне прывядзе да вялізнага скачку для PS6 і Xbox, мяркуюць аналітыкі

Хоць чуткі пра выхад PlayStation 6 ходзяць ужо даўно, Sony мае намер выпусціць новую версію кансолі толькі праз некалькі гадоў — у 2027–2028 гадах. Інсайдары паведамляюць, што кансоль можа не атрымаць значна больш аперацыйнай памяці, так як распрацоўшчык палічыў такі крок эканамічна нявыгадным.

Наўзамен і Sony, і Microsoft (якая распрацоўвае Xbox) будуць прымяняць «больш цэласны» падыход і выкарыстоўваць шэраг новых тэхналогій. Чакаецца, што асноўнай стане машыннае навучанне, якое значна палепшыць тэкстуры матэрыялаў або геаметрыю.

Магчымыя інтэграцыі VR і бесправадной зарадкі, а таксама палепшаная сістэма штучнага інтэлекту для маштабавання разрознасцяў і частаты кадраў у гульнях. Кансоль зможа падтрымліваць гульні ў разрознасці 8K, а таксама будзе абсталяваная магутнейшымі працэсарамі і графічнымі чыпамі ад AMD.

Яшчэ адной унікальнай асаблівасцю PS6 стане падтрымка PlayStation Spectral Super Resolution (PSSR). Гэтая тэхналогія дазволіць запускаць усе гульні альбо ў разрознасці 4K з хуткасцю 120 кадраў на секунду, альбо ў разрознасці 8K пры 60 кадрах на секунду. Спрошчаная версія PSSR будзе рэалізаваная ў PS5 Pro, але будзе цалкам выкарыстаная ў PS6.

Чакаецца, што PlayStation 6 будзе мець больш ёмісты SSD (магчыма, 2ТБ або больш), і Sony можа выпусціць лічбавую версію кансолі без дыскавага прывада. Microsoft, з усяго відаць, сфакусуецца на воблачных тэхналогіях і інтэграцыі з Azure, што дазволіць маштабаваць гульні з лакальнага абсталявання.

Як адзначае Digital Foundry, змены могуць зрабіць новыя кансолі «сапраўднымі машынамі з разрознасцю 4K і 60 FPS». На думку выдання, цэны на цяперашняе пакаленне кансоляў (PS 5 і Xbox X Series) «завышаныя», а праз недастатковую прапускную здольнасць GPU дамагчыся чаканай якасці гульнявога працэсу вельмі складана.