Ілан Маск адкрыта пагражае пакінуць Tesla — ці прынамсі вызваліць пасаду генеральнага дырэктара, — калі акцыянеры не зацвердзяць для яго грандыёзную ўзнагароду, паведамляе Electrek. Пры дасягненні кампаніяй пэўных паказчыкаў кошт патрабаванага ім пакета апцыёнаў можа скласці $1 трлн. Галасаванне павінна адбыцца на будучым сходзе акцыянераў 6 лістапада.
Ілан Маск адкрыта пагражае пакінуць Tesla — ці прынамсі вызваліць пасаду генеральнага дырэктара, — калі акцыянеры не зацвердзяць для яго грандыёзную ўзнагароду, паведамляе Electrek. Пры дасягненні кампаніяй пэўных паказчыкаў кошт патрабаванага ім пакета апцыёнаў можа скласці $1 трлн. Галасаванне павінна адбыцца на будучым сходзе акцыянераў 6 лістапада.
Пакуль большасць засяроджана на астранамічнай суме, якую запатрабаваў Маск, аналітыкі ўказваюць на іншыя праблемы ў плане. Reuters на мінулым тыдні паведамляў, што калі кампанія працягне весці бізнес, як зараз, а яе рынкавая капіталізацыя будзе расці ніжэй сярэдняга па індэксе S&P, Маск усё роўна атрымае адну ці дзве выплаты памерам ад $20 млрд да $40 млрд. Гэта значыць Маск атрымае найбуйнейшую выплату ў гісторыі нават у тым выпадку, калі Tesla не дасягне пастаўленых мэтаў. Пры тым што Маску ўжо выплачана ў якасці ўзнагароды больш, чым кампанія атрымала прыбытку за ўвесь час свайго існавання, адзначае Electrek.
Адзін з карыстальнікаў Х адзначыў гэта ў каментары да паста пра план. Маск адказаў, што Tesla каштуе больш, чым усе іншыя аўтавытворцы разам узятыя. І спытаў крытыка, каго з генеральных дырэктараў гэтых танных кампаній ён хацеў бы бачыць на чале Tesla. «Гэта не буду я», — дадаў бізнесмен, намякнуўшы, што будзе, калі яму не ўзгодняць выплату. А потым стаў агітаваць акцыянераў галасаваць за план.
Tesla is worth more than all other automotive companies combined. Which of those CEOs would you like to run Tesla?
— Elon Musk (@elonmusk) October 19, 2025
It won’t be me.
План, якім падзяліўся Reuters, разлічаны на 10 гадоў. Жаданыя грошы Маск атрымае, калі кампанія выканае шэраг прамежкавых мэтаў. Адным з крытэрыяў будзе рынкавая капіталізацыя, якая павінна вырасці да прыкладна $9 трлн. Варта адзначыць, што зараз яна на гістарычным максімуме — $1,49 трлн.
Маск — чалавек крыўдлівы. Калі суд штата Дэлавэр адмяніў рашэнне савета дырэктараў Tesla аб выплаце яму $56 млрд за працу генеральным дырэктарам, ён перанёс адтуль свае кампаніі Neuralink і SpaceX і заклікаў астатніх рабіць гэтак жа.
Релоцировались? Теперь вы можете комментировать без верификации аккаунта.