Уладальнік сацсеткі разглядае магчымасць блакавання платформы ў Еўрапейскім саюзе праз нявызначанасць, звязаную з новым Законам аб лічбавых паслугах DSA (Digital Service Act).
Уладальнік сацсеткі разглядае магчымасць блакавання платформы ў Еўрапейскім саюзе праз нявызначанасць, звязаную з новым Законам аб лічбавых паслугах DSA (Digital Service Act).
Паводле даных Business Insider, Маск патрабаваў тлумачэнняў ад еўракамісара ў пытаннях унутранага рынку Цьеры Брэтона адносна патрабаванняў DSA да яго платформы. Не атрымаўшы здавальняючых адказаў, цяпер мільярдэр гатовы да «самых радыкальных рашэнняў». Сярод разгляданых мер — поўная блакіроўка сацыяльнай сеткі ў краінах ЕС або абмежаванне доступу.
Закон аб лічбавых паслугах DSA набыў моц у жніўні гэтага года. Ён істотна ўзмацняе кантроль за 19 вялікімі платформамі, у тым ліку TikTok, X, Instagram, Facebook, Youtube, Google, Amazon Store. Рэгуляванне тычыцца кантэнту: аўтары закона называюць прыярытэтамі абарону дзяцей і барацьбу з дэзынфармацыяй, у тым ліку з расійскай прапагандай.
Паводле даных аналітычнай кампаніі Similarweb, глабальны трафік сайта X у верасні знізіўся на 14% у параўнанні з аналагічным перыядам мінулага года і на 7% ва ўсім свеце. Колькасць штомесячных актыўных мабільных карыстальнікаў у ЗША ўпала на 17,8%. Зніжэнне трафіку адбываецца і ў еўрапейскіх краінах: у Вялікабрытаніі на 11,6%, у Францыі — на 13,4%, у Германіі — на 17,9%.
Эксперты адзначаюць, што зніжэнне наведвальнасці X адбываецца на фоне глабальнага спаду папулярнасці большасці сацыяльных сетак. Трафік ста найбуйнейшых сацсетак і анлайн-супольнасцяў у сярэднім знізіўся ў верасні на 3,7% у параўнанні з мінулым годам. Выключэнне складае TikTok, наведвальнасць платформы вырасла на 22,8% ва ўсім свеце.
Зніжэнне трафіку X адбываецца і ў навіннай экасістэме. The New York Times атрымлівала 3-4% трафіку з Twitter, цяпер гэты паказчык знізіўся да менш як 1%. Часткова гэта звязана з рашэннем сацсеткі абмяжоўваць спасылкі на СМІ, якія Маск назваў «дзяржаўнымі». Сыграла ролю і канкурэнцыя з новымі сацыяльнымі і навіннымі платформамі: Bluesky, Post, Pebble, Spill, Mastodon і Threads.
Кампанія не згодная з высновамі экспертаў і нядаўна абвясціла, што карыстальнікі сацсеткі публікуюць 500 мільёнаў пастоў на дзень, уключаючы арыгінальны кантэнт, адказы і рэпосты. Платформа дасягнула 100 мільярдаў штодзённых праглядаў. X сцвярджае, што наведвальнікі сталі траціць на 14% больш часу ў сацсетцы, спажыванне відэа павялічылася на 20%.
Рэлацыраваліся? Цяпер вы можаце каментаваць без верыфікацыі акаўнта.
Маск как обычно торгуется. 450 млн рынок он не готов потерять