Маск збірае каманду для распрацоўкі канкурэнта ChatGPT

Ілан Маск — сузаснавальнік OpenAI, якая выпусціла ChatGPT, — хоча стварыць новую даследчую лабараторыю для распрацоўкі канкурэнта чатбота, даведаўся The Information.

Пакінуць каментарый

Апошнімі тыднямі мільярдэр звязваўся з гэтай нагоды з рознымі спецыялістамі па АІ. У тым ліку з даследчыкам штучнага інтэлекту Ігарам Бабушкіным, які нядаўна пакінуў DeepMind, АІ-лабараторыю Alphabet.

Паводле слоў крыніц выдання, Маск і Бабушкін абмяркоўвалі стварэнне каманды для даследаванняў у гэтай галіне. Праект пакуль на ранніх стадыях, ніякіх пэўных планаў па распрацоўцы канкрэтных прадуктаў яшчэ няма. Бабушкін сказаў the Information, што афіцыйна яшчэ не далучыўся да праекта.

OpenAI перавабіла каля сотні працаўнікоў Google і Meta. Гэта амаль палова яе штату
Па тэме
OpenAI перавабіла каля сотні працаўнікоў Google і Meta. Гэта амаль палова яе штату

OpenAI была заснаваная ў 2015 годзе Маскам і прэзідэнтам стартап-інкубатара Y Combinator Сэмам Альтманам. Маск быў старшынёй OpenAI, якая задумвалася як некамерцыйная арганізацыя, да 2018 года і сышоў на тле канфлікту інтарэсаў.

Ад моманту рэлізу ChatGPT у мінулым лістападзе ў АІ-гонку ўключыліся Google, Meta, кітайскія кампаніі і многія іншыя гульцы тэхнасферы.

Альтман пакуль не задаволены якасцю ChatGPT. Маск між тым лічыць, што чатбот «страшэнна добры».

Супрацоўнікаў Google папрасілі па некалькі гадзін трэніраваць Bard і не казаць яму, што ён чалавек
Па тэме
Супрацоўнікаў Google папрасілі па некалькі гадзін трэніраваць Bard і не казаць яму, што ён чалавек
Meta выпусціла свой адказ чатботам Microsoft і Google
Па тэме
Meta выпусціла свой адказ чатботам Microsoft і Google

Читать на dev.by