Маск створыць «праўдзівы АІ», назаве TruthGPT

Гэта будзе штучны інтэлект з назвай TruthGPT, якая кажа за сябе. Адной з ягоных мэтаў будзе пошук праўды і спроба «зразумець прыроду сусвету». Паводле слоў мільярдэра, гэта найлепшы спосаб гарантаваць, што ён будзе бяспечны, паколькі АІ, які імкнецца да пазнання сусвету, наўрад ці захоча вынішчыць людзей — яны будуць цікавіць яго як частка сусвету.

Бізнэсовец дадаў, што дапускае — «хоць і невялікую» — верагоднасць таго, што АІ можа знішчыць чалавецтва.

OpenAI з’явілася ў 2015 годзе. Маск стаяў ля яе вытокаў — ён быў адным з сузаснавальнікаў разам з Сэмам Альтманам, яе цяперашнім кіраўніком, і шэрагам іншых вядомых прадпрымальнікаў. У 2018 годзе Маск пакінуў праўленне арганізацыі для прадухілення канфлікту інтарэсаў з Tesla, якая таксама займаецца АІ-распрацоўкамі, і прадаў сваю долю ў ёй.

Пазней Маск казаў, што прычынай сыходу сталі рознагалоссі з нагоды курсу дзеянняў каманды, а таксама неаднаразова крытыкаваў OpenAI за тое, што яна стала супрацьлегласцю таго, чым задумвалася — «закрытай і арыентаванай на максімальны прыбытак», ды яшчэ і пад кантролем Microsoft. OpenAI шмат гадоў атрымлівае інвестыцыі ад тэхнагіганта — апошнія на $10 млрд былі ў студзені.

Маск, Возняк ды іншыя заклікалі спыніць навучанне нейрасетак, «разумнейшых» за GPT-4

Па тэме

Маск, Возняк ды іншыя заклікалі спыніць навучанне нейрасетак, «разумнейшых» за GPT-4

Маск заснаваў АІ-кампанію для суперніцтва з OpenAI

Па тэме

Маск заснаваў АІ-кампанію для суперніцтва з OpenAI