Аддзел навін 31 сакавіка 2025, 10:40

Маск раптоўна прадаў Х свайму ШІ-стартапу

ШІ-стартап xAI, заснаваны Іланам Маскам, паглынуў сацсетку Х, якая належыць яму ж. Пра гэта бізнесмен паведаміў у сваім акаўнце.

2 каментарыя

Маск раптоўна прадаў Х свайму ШІ-стартапу

ШІ-стартап xAI, заснаваны Іланам Маскам, паглынуў сацсетку Х, якая належыць яму ж. Пра гэта бізнесмен паведаміў у сваім акаўнце.

Сума ўгоды склала $33 млрд. Яна будзе цалкам аплачана акцыямі.

Маск купіў тады яшчэ Twitter у кастрычніку 2022 года за $44 млрд. Сацсетка перастала быць публічнай і перайшла ва ўласнасць Маска. Ён спрабаваў скасаваць угоду, але яму за гэта пагражаў штраф у $1 млрд. На набыццё ён браў крэдыты на $13 млрд.

@xAI has acquired @X in an all-stock transaction. The combination values xAI at $80 billion and X at $33 billion ($45B less $12B debt).

Since its founding two years ago, xAI has rapidly become one of the leading AI labs in the world, building models and data centers at…
— Elon Musk (@elonmusk) March 28, 2025

xAI цяпер ацэньваецца ў $80 млрд. Да ўгоды яму належала доля ў Х памерам $6 млрд. Стартап быў запушчаны ў сакавіку 2023 года з мэтай спрыяць навуковым адкрыццям. Ён выпусціў ШІ-чат-бота Grok, які інтэграваны ў Х і навучаўся, у тым ліку, на кантэнце сацсеткі.

Маск у сваім анонсе заявіў, што будучыня дзвюх кампаній шчыльна звязаная. Цяпер пачнецца аб’яднанне іх дадзеных, мадэляў, вылічальных магутнасцей і персаналу. Паводле яго слоў, спалучэнне перадавых магчымасцей xAI у сферы ШІ і досведу працы з шырокай аўдыторыяй Х раскрые іх велізарны патэнцыял. Ён таксама адзначыў непахісную адданасць супрацоўнікаў сваім кампаніям.