Гендырэктар Tesla Ілан Маск запэўніў сваіх супрацоўнікаў, што ім няма чаго турбавацца праз імклівае падзенне каціровак кампаніі. Больш за тое, бізнэсовец перакананы, што аднойчы Tesla стане найбуйнейшай кампаніяй у свеце па рынкавай капіталізацыі.
Гендырэктар Tesla Ілан Маск запэўніў сваіх супрацоўнікаў, што ім няма чаго турбавацца праз імклівае падзенне каціровак кампаніі. Больш за тое, бізнэсовец перакананы, што аднойчы Tesla стане найбуйнейшай кампаніяй у свеце па рынкавай капіталізацыі.
«Дарэчы, асабліва не турбуйцеся праз вар’яцтва на фондавым рынку. Калі мы будзем стабільна дэманстраваць выдатныя вынікі, рынак прызнае іх. Цалкам упэўнены, што ў доўгатэрміновай перспектыве Tesla стане найдаражэйшай кампаніяй на Зямлі!» — напісаў Маск у пастскрыптуме да ўчорашняга імэйла супрацоўнікам. Тэкст паведамлення трапіў у распараджэнне CNBC.
Акцыі аўтавытворцы ўвесь год няўхільна таннеюць: ад пачатку 2022-га кампанія пагубляла 69% капіталізацыі. Толькі за снежань каціроўкі ўпалі на 42%. Гэта закранае не толькі інвестараў, занепакоеных залішняй захопленасцю Маска сацсеткай Twitter, але і супрацоўнікаў Tesla, якія атрымліваюць частку ўзнагароджання апцыёнамі.
У сваім лісце мільярдэр падзякаваў падначаленым за дасягнутыя поспехі, а таксама заклікаў «у найбліжэйшыя некалькі дзён паднапружыцца» і дапамагчы кампаніі здзейсніць як мага больш.
Рэлацыраваліся? Цяпер вы можаце каментаваць без верыфікацыі акаўнта.