Каціроўкі Apple у аўторак упалі да ўзроўню чэрвеня 2021 года, паведамляе Bloomberg. Гэта адбываецца на тле распродажу акцый інвестарамі іншых бігтэх-кампаній і боязі інвестараў Apple з нагоды дэфіцыту айфонаў у святочны перыяд.
Каціроўкі Apple у аўторак упалі да ўзроўню чэрвеня 2021 года, паведамляе Bloomberg. Гэта адбываецца на тле распродажу акцый інвестарамі іншых бігтэх-кампаній і боязі інвестараў Apple з нагоды дэфіцыту айфонаў у святочны перыяд.
За 2022 год акцыі «яблычнай» кампаніі патаннелі на 27%. Яе вынік трохі лепшы за тэхналагічны індэкс Nasdaq 100, які за гэты ж перыяд упаў на 33%. Хаця апошні месяц выдаўся горшым якраз для Apple, ніж для Nasdaq 100.
Апошнім часам зборцы флагманскіх iPhone на заводах у Кітаі перашкаджалі новыя выбухі каранавіруса, жорсткія санітарныя абмежаванні і пратэсты працаўнікоў. Аналітыкі JPMorgan пішуць, што пастаўкі гаджата патроху выраўноўваюцца з попытам, але пры гэтым адзначаюць, што звычайна Apple задавальняе попыт значна хутчэй.
У аўторак Nasdaq 100 зафіксаваў падзенне 0,8%. Гэты снежань стаў найгоршым для індэкса ад часоў бурбалкі даткомаў.
Рэлацыраваліся? Цяпер вы можаце каментаваць без верыфікацыі акаўнта.