Апошнімі месяцамі Meta, Amazon, Salesforce, Twitter ды іншыя паважныя кампаніі звальняюць супрацоўнікаў тысячамі і нават дзясяткамі тысяч. Многія тэхнагіганты, напрыклад, Google, летась замарожвалі найманне. Усё гэта на руку стартапам, якім заўсёды было складаней прыцягваць таленты.
Апошнімі месяцамі Meta, Amazon, Salesforce, Twitter ды іншыя паважныя кампаніі звальняюць супрацоўнікаў тысячамі і нават дзясяткамі тысяч. Многія тэхнагіганты, напрыклад, Google, летась замарожвалі найманне. Усё гэта на руку стартапам, якім заўсёды было складаней прыцягваць таленты.
Як адзначае Insider, на рынку вызвалілася мноства ІТ-спецыялістаў, якіх бігтэхі найбліжэйшым часам наўрад ці захочуць браць назад.
Звычайна такія кампаніі «здымалі вяршкі» з пула кандыдатаў дзякуючы шчодрым заробкам, плюшкам ды іміджу. Цяпер жа стартапы назіраюць павышаную цікавасць суіскальнікаў, якія завальваюць іх уваходныя сваімі рэзюмэ.
Выданне пагутарыла з шэрагам фаўндараў і венчурных капіталістаў, якія расказалі, што паспяхова наймаюць былых супрацоўнікаў бігтэх-кампаній у пошуках працы. Паводле іх слоў, раней шукаць распрацоўшчыкаў у ЗША і ў прынцыпе ў любой краіне, дзе прысутнічаюць бігтэхі, было значна цяжэй. Пры гэтым увагу звяртаюць не столькі на памер папярэдняй кампаніі кандыдатаў, колькі на тэхнічныя навыкі.
Інвестары раяць стартапам падыходзіць да наймання асцярожна і не перабіраць, пакуль дастаткова не нарасцілі выручкі. Стартапы таксама даволі пераборлівыя і абы-каго не бяруць. Там разумеюць, што бігтэхі адсейваюць у першую чаргу найменш прадукцыйных супрацоўнікаў — хоць бывае, што скарачаюць цэлымі камандамі і аддзеламі, у якіх у кампаніі папросту адпала патрэба. Стартапы такога дазволіць сабе не могуць.
Акрамя таго, фаўндары адзначаюць адрозненні ў карпаратыўнай культуры бігтэхаў і стартапаў, што таксама можа станавіцца перашкодай для наймання. Фаўндары кажуць, што многія суіскальнікі з бігтэхаў, у якіх няма досведу працы ў стартапах, ім у гэтым плане не пасуюць: «ім прыйдзецца праходзіць паўгода анбордзінгу. Само сабою тое, што яны з бігтэх-кампаній, не азначае, што яны будуць адпавядаць маім патрэбам».
У стартапах працуюць за меншыя грошы і ў больш «спартанскіх» умовах: тут няма пральняў, спартзал і бясплатных сталовак. Некаторыя фаўндары кажуць, што аддаюць перавагу супрацоўнікам з іншых стартапаў, бо яны знаёмыя з гэтай бізнэс-мадэллю.
Акрамя таго, калі ў буйных кампаніях супрацоўнікі звычайна замацаваныя за адным праектам, то ў стартапе можа давесціся займацца некалькімі адразу. Стартапы часта шукаюць «людзей-аркестраў», а выхадцы з бігтэхаў часцяком маюць вузкую спецыялізацыю. Каб прадказаць «сумяшчальнасць», рэкруцёры ў стартапах цікавяцца, ці працаваў суіскальнік над прадуктамі з траекторыяй росту, як у стартапаў, ці, можа быць, сам спрабаваў запускаць праекты — у адваротным выпадку прыжыцца ў стартап-асяроддзі чалавеку можа быць складана.
Рэлацыраваліся? Цяпер вы можаце каментаваць без верыфікацыі акаўнта.
Ну, что же, очередной прорыв и победа гигантов индустрии👏