Meta лічыць, што для перамогі ў гонцы штучнага інтэлекту ЗША патрэбны не толькі больш інжынераў, але і «сініх каўнерыкаў». Пра гэта заявіла прэзідэнт і віцэ-старшыня кампаніі Дзіна Паўэл Макормік, падкрэсліўшы, што краіне патрэбна «зусім новая рабочая сіла» — перш за ўсё тыя, хто будуе фізічную інфраструктуру пад ШІ.
Meta лічыць, што для перамогі ў гонцы штучнага інтэлекту ЗША патрэбны не толькі больш інжынераў, але і «сініх каўнерыкаў». Пра гэта заявіла прэзідэнт і віцэ-старшыня кампаніі Дзіна Паўэл Макормік, падкрэсліўшы, што краіне патрэбна «зусім новая рабочая сіла» — перш за ўсё тыя, хто будуе фізічную інфраструктуру пад ШІ.
Па яе словах, у бліжэйшыя два гады толькі ў ЗША спатрэбіцца каля 500 тысяч электрыкаў, каб забяспечыць развіццё дата-цэнтраў і энергетычнай інфраструктуры. Яна называе такіх спецыялістаў «сапраўднымі героямі», ад якіх непасрэдна залежыць канкурэнтаздольнасць краіны ў ШІ-гонцы.
Заявы прагучалі на фоне маштабнай перабудовы самой Meta: кампанія адначасова інвестуе мільярды ў ШІ і скарачае супрацоўнікаў у шэрагу падраздзяленняў — ад Reality Labs да продажаў і аперацыйных каманд. Паралельна яна пераходзіць да больш кампактнай структуры з ШІ-камандамі і ролямі — часткай стратэгіі Марка Цукерберга па павышэнню эфектыўнасці за кошт ШІ.
Гэта адлюстроўвае больш шырокі трэнд у вялікіх тэхкампаніях: яны імкнуцца рабіць больш з меншай колькасцю офісных супрацоўнікаў, асабліва ў распрацоўцы і карпаратыўных функцыях, але пры гэтым рэзка расце попыт на рабочыя спецыяльнасці — у будаўніцтве, энергетыцы і стварэнні дата-цэнтраў.
Пра неабходнасць такога зруху кажуць і іншыя лідары індустрыі. Кіраўнік Nvidia Джэнсен Хуанг раней адзначаў, што зараз «лепшы час быць рабочым спецыялістам», паколькі ШІ-бум патрабуе фізічнай інфраструктуры. Кіраўнік BlackRock Лары Фінк таксама згадваў пра растучы попыт на кваліфікаваную ручную працу, а экс-кіраўнік Uber Трэвіс Каланік лічыць, што па меры ШІ-аўтаматызацыі эканомікі менавіта нястача рук, якія выконваюць фізічную працу, можа стаць ключавым абмежаваннем для росту.
Рэлацыраваліся? Цяпер вы можаце каментаваць без верыфікацыі акаўнта.