Meta аб'яднае налады акаўнтаў Facebook і Instagram у адным месцы

Абноўлены цэнтр уліковых запісаў будзе даступны ў меню налад Facebook, Instagram і Messenger. Налады ўключаюць асабістыя даныя, паролі, параметры канфідэнцыйнасці, бяспекі, рэкламы і плацяжоў, а таксама дазволы, якія карыстальнік даў кожнай з праграм. Усе ўліковыя запісы неабходна дадаць у цэнтр уручную. Таксама карыстальнік можа выдаліць даданыя профілі з цэнтра ў любы час.

Змены будуць набываць моц паступова і распаўсюджвацца на ўсіх карыстальнікаў Facebook, Messenger і Instagram «найбліжэйшымі месяцамі», заявілі ў Meta. Таксама ў новым цэнтры параметры рэкламы для розных даданых уліковых запісаў будуць скарэктаваныя.