Meta запускае сацсетку Threads — канкурэнта Twitter

Таксама існуе афіцыйны сайт Threads, на якім ідзе зваротны адлік да запуску сацсеткі. Нядоўгі час была апублікаваная версія для Android, аднак пазней яе выдалілі са старонкі, пазначыўшы, што яна з’явіцца пазней. Паводле даных 9to5Google, у Threads можна публікаваць тэкставыя паведамленні, ставіць лайкі, дзяліцца пастамі і г. д.

Праграма інтэграваная з Instagram, адкуль карыстальнікі могуць перанесці асабістыя даныя і падпісчыкаў. Упершыню сэрвіс быў запушчаны ў 2019 годзе, тады гэта быў канкурэнт Snapchat. Праграма дазваляла абменьвацца паведамленнямі, фота і відэа з блізкімі сябрамі з Instagram, у 2021 годзе яе закрылі.