Microsoft алгарытмам звольніла супрацоўніка, які адпрацаваў тут 25 гадоў. Апошні дзень працы прыпаў на яго дзень народзінаў

Паводле яе слоў, муж мае аўтызм і рассеяны склероз. Пры гэтым ён не прапусціў ніводнага працоўнага дня, амаль не браў бальнічны — нават тады працаваў з дому, выкладаўся па 60+ гадзін на тыдзень, падмяняў калегаў на Каляды і Дзень падзякі, ніколі не прасіў павышэння ці прэміі — «проста рабіў сваю справу і вырашаў невырашальныя задачы».

Кампанія адзначала яго за выпраўленне багаў, якія маглі б каштаваць мільёны даляраў. Ён быў настаўнікам для сотняў калегаў, некаторыя з якіх выраслі да кіраўнікоў, а ягонае імя ведаў нават СЕO, распавядае жанчына. У падзяку за лаяльнасць і ўнёсак ён быў аптымізаваны алгарытмам — сярод мноства іншых клетачак у табліцы. Апошнім дзень ягонай працы ў кампаніі стала мінулая пятніца, на якую прыпаў яго 48-ы дзень народзінаў.

Жонка звольненага дадае, што ганарыцца мужам і не шукае спачування — проста хацела падзяліцца тым, што адбылося.

Яшчэ больш сумна, адзначылі каментатары на форуме, што такая гісторыя сёння — далёка не выключэнне. Хтосьці дадаў, што таксама калісьці дазваляў працадаўцу так выкарыстоўваць сябе, але з цягам часу навучыўся бараніць свае межы і вучыць гэтаму іншых — бо памятае, як гэта, калі ціха выкладаешся напоўніцу і не атрымліваеш ні прызнання, ні падзякі.