Microsoft дадасць моўную мадэль GPT-4 у пашукавік Bing «найбліжэйшымі тыднямі»

Паводле даных крыніц Semafor, OpenАІ працуе над наступным пакаленнем сваёй моўнай мадэлі GPT-4. Новая версія «нашмат хутчэйшая і падрабязней адказвае на пытанні», а яе адказы гучаць «чалавечней». Таксама стартап плануе выпусціць мабільную праграму ChatGPT і пратэсціраваць функцыю генерацыі відэа праз Dall-E.

Раней Microsoft абвясціла пра інтэграцыю воблака Azure з прадуктамі OpenAI. Кампанія дадала ў падпіску Office праграму для графічных дызайнераў Designer — з інтэграцыяй з Dall-E. Таксама Microsoft плануе ўкласці ў развіццё OpenAI $10 мільярдаў на працягу некалькіх гадоў.