Кампанія разглядае пераход ад традыцыйнай мадэлі аплаты «за карыстальніка» да новай схемы «за агента» — гэта значыць за кожнага ШІ-супрацоўніка, які выконвае працу ўнутры карпаратыўных сэрвісаў.
Кампанія разглядае пераход ад традыцыйнай мадэлі аплаты «за карыстальніка» да новай схемы «за агента» — гэта значыць за кожнага ШІ-супрацоўніка, які выконвае працу ўнутры карпаратыўных сэрвісаў.
Пра гэта генеральны дырэктар Microsoft Сацья Надэла распавёў у падкасце Dwarkesh Podcast, патлумачыўшы, што ШІ перастае быць проста інструментам і робіцца актыўным удзельнікам працоўных працэсаў.
Па словах Надэлы, софт Microsoft цяпер ствараецца не толькі для людзей, але і для аўтаномных агентаў, якія самі выконваюць задачы, прымаюць рашэнні і ўзаемадзейнічаюць з экасістэмай Microsoft 365.
Ён адзначыў, што бізнес кампаніі «з карыстальніцкага» ператвараецца ў інфраструктурны — які падтрымлівае працу ШІ-агентаў. Традыцыйная падпіска «per user» у гэтай логіцы ператвараецца ў «per agent».
Зрух выкліканы тым, што ШІ-сістэмы спажываюць вылічальныя рэсурсы куды інтэнсіўней звычайных карыстальнікаў, што робіць фіксаваныя ліцэнзіі эканамічна нестабільнымі.
Падобны пераход ужо адбываецца ў галіне: ServiceNow тэстуе білінг па ШІ-нагрузцы, EY і Deloitte укараняюць аўтаномныя агентныя платформы, а Anthropic і Google даўно спаганяюць плату за апрацаваныя токены.
Microsoft ужо пачала перабудову: сёлета кампанія прэзентавала pay-as-you-go-мадэль для сваіх AI-агентаў — надбудову над бясплатным Copilot-чатам, дзе кампаніі плацяць па факце выкананай ШІ-працы.
Надэла падкрэсліў, што пад новым падыходам уся інфраструктура Microsoft 365 застаецца запатрабаванай — ад захоўвання дадзеных да пошуку, кіравання дакументамі і бяспекі, — але значная частка аперацый будзе выконвацца не людзьмі, а агентамі.
Релоцировались? Теперь вы можете комментировать без верификации аккаунта.