Microsoft навучыць штучнаму інтэлекту 2 млн індыйцаў сёлета

Праграма арыентаваная на жыхароў гарадоў з насельніцтвам да 100 тысяч чалавек, а таксама сельскай мясцовасці. Яна закліканая спрыяць сацыяльна-эканамічнаму росту ў гэтых рэгіёнах.

Microsoft хоча забяспечыць індыйскіх работнікаў навыкамі, запатрабаванымі на рынку працы будучыні, і паскорыць АІ-трансфармацыю Індыі. Навучанне будзе праводзіцца ў партнёрстве з мясцовымі ўрадамі і супольнасцямі, а таксама некамерцыйнымі і карпаратыўнымі арганізацыямі.

СЕО Microsoft — этнічны індыец — Сацья Надэла казаў пра новы праект і пра спробы краін свету выпрацаваць меры рэгулявання АІ на сённяшняй канферэнцыі ў Мумбаі.

«Я спадзяюся на дасягненне кансэнсусу, паколькі гэта ў пэўным сэнсе сапраўды спрыяе распаўсюджванню дадзенай тэхналогіі», — цытуе топ-менеджара Reuters. Таксама ён выказаў надзею, што распаўсюджванне АІ у свеце прывядзе да «роўнага размеркавання эканамічнага росту».