Microsoft паказала сэрвіс для сумеснай працы з АІ

Новы інструмент дазваляе дзяліцца адказамі чат-бота і рэдагаваць іх. Ён будзе ўваходзіць у офісны пакет Microsoft 365 і з’явіцца ва ўсіх уладальнікаў падпіскі пры канцы верасня. Карыстальнікам бясплатнай версіі Copilot функцыя будзе даступная, калі яны ўваходзяць у сэрвіс праз бізнэс-акаўнт.

Задаць чат-боту пытанне або папрасіць яго зрабіць нешта можна праз дыялогавае акно Microsoft Bizchat. Атрыманы адказ можна перанесці на асобную старонку і падзяліцца з калегамі, якія змогуць уносіць праўкі. Таксама можна ўбудоўваць старонкі адна ў адну, здабываць даныя з інтэрнэту або працоўных файлаў.